A Consellería de Medio Ambiente recibiu do Xulgado do Contencioso-Administrativo de Santiago de Compostela requirimento do expediente administrativo DH.A 15.6486, por ter admitido a trámite o recurso contencioso-administrativo interposto por Papelera de Brandía, S.A. contra a denegación da solicitude de concesión administrativa de aproveitamento de augas do río Sar.

En consecuencia, esta consellería acordou nesta data, e de conformidade co disposto no artigo 49 da Lei 29/1998, do 13 de xullo, reguladora da xurisdicción contencioso-administrativa, a remisión do expediente ó referido xulgado, o que se notifica para xeral coñecemento de tódalas persoas interesadas no procedemento e se emprazan para que poidan comparecer como parte perante o citado xulgado no prazo de nove días, contados desde o seguinte ó da publicación desta resolución no Diario Oficial de Galicia.

Santiago de Compostela, 9 de xullo de 2002.

P.D. (Orde 12-1-1998)

José Luis Aboal García-Tuñón

Secretario xeral da Consellería de Medio Ambiente