Para os efectos previstos na Lei 54/1997, do 27 de novembro, e nos artigos 125 e 144 do R.D. 1955/2000, sométese a información pública a petición da autorización, declaración de utilidade pública, en concreto, a urxente ocupación e a aprobación do proxecto de execución da instalación eléctrica que se cita:
Solicitante: Montouto 2000, S.A.
Domicilio social: avda. Sáenz Díez, 43, ent., 32003 Ourense.
Denominación: subestación transformadora no Castelo.
Situación: concello de Arbo.
Descricións técnicas: subestación transformadora de 63 MVA, R/T 20/220 kV, no Castelo, no concello de Arbo, con dous trafos de 31,5 MVA. Parque intemperie, con sistema de control, protección e manobra.
A relación concreta e individualizada dos bens ou dereitos que se van expropiar figura no anexo.
Todas aquelas persoas ou entidades que se consideren afectadas poderán presenta-las súas alegacións nesta delegación provincial, por duplicado, no prazo de trinta días, a partir da última publicación ou notificación individual.
Durante o dito período calquera persoa poderá achegar, así mesmo, por escrito, os datos oportunos para rectificar posibles erros na relación de persoas, bens e dereitos afectados, así como formula-las posibles alegacións por razón do disposto no artigo 161 do R.D. 1955/2000.
Pontevedra, 4 de xuño de 2002.
Carmen Bianchi Valcarce
Delegada provincial de Pontevedra
Relación de propietarios, bens e dereitos afectados.
Expediente: IN407A 02/150-4.
Concello: Arbo.
Provincia: Pontevedra.
Subestación transformadora no Castelo-Arbo.
Políg./nº: 69/219.
Propietario: Comunidade de Montes da Parroquia de Arbo. Presidente: Gumersindo Ferro Fernández.
Enderezo: Barrio Estación, 49 baixo, Arbo.
Afección m: 2.214.