As empresas Casa Pepe Vigo, S.L., Roche Diagnostics, S.L., Almiral Prodesfarma, S.A. Aventis Pharma, S.A., Neuroline, S.L. e Caixanova ofrecen a doazón ó Servicio Galego de Saúde de diverso material con destino ó Complexo Hospitalario de Pontevedra.

Conforme o artigo 17.1º da Lei 3/1985, do 12 de abril, do patrimonio da Comunidade Autónoma, requírise decreto do Consello da Xunta de Galicia para a adquisición de bens a título gratuíto.

En cumprimento do disposto na Lei 3/1985, do 12 de abril, do patrimonio da Comunidade Autónoma, de conformidade coa proposta do conselleiro de Sanidade e presidente do Servicio Galego de Saúde e logo de deliberación do Consello da Xunta de Galicia na súa reunión do día vintesete de xuño de dous mil dous,

DISPOÑO:

Artigo 1º

Acepta-la doazón do seguinte material:

-1 báscula electrónica, marca Shoenle, modelo 7441.05, cun valor de 304,58 euros, doada pola empresa Casa Pepe Vigo, S.L.

-1 forno microondas, marca Bluesky, modelo M-19L/0, cun valor de 150,25 euros, doado pola empresa Roche Diagnostics, S.L.

-1 impresora, marca HP, modelo Deskjer 843C, cun valor de 132,64 euros, doada pola empresa Almiral Prodesfarma, S.A.

-1 ordenador, marca clónico, modelo 52X max., cun valor de 1.322,84 euros, doado pola empresa Almiral Prodesfarma, S.A.

-1 scaner, marca Epson, modelo Perfection 640V, cun valor de 180,39 euros, doado pola empresa Almiral Prodesfarma, S.A.

-1 ordenador persoal, marca clónico, e unha impresora, marca Deskjet modelo 840C, cun valor total de 1.192,86 euros, doados pola empresa Aventis Pharma, S.A.

-1 fax, marca Philips, modelo Magic-primo, cun valro de 210,35 euros, doado pola empresa Neuroline, S.L.

-4 padiolas articuladas, marca Pardo, cun valor de 6.919,57 euros, doadas pola empresa Caixanova.

-26 ordenadores, marca Compac, modelo Deskpro, cun valor de 29.783,75 euros, doados pola empresa Caixanova.

Artigo 2º

Os activos acéptanse segundo o establecido na normativa en materia patrimonial da Comunidade Autónoma e destinaranse ó Complexo Hospitalario de Pontevedra de acordo coa vontade dos doantes.

Disposición derradeira

O Servicio Galego de Saúde, a través do seu órgano competente, levará a cabo os trámites necesarios para a efectividade de canto se dispón neste decreto.

Santiago de Compostela, vintesete de xuño de dous mil dous.

Manuel Fraga Iribarne

Presidente

José María Hernández Cochón

Conselleiro de Sanidade