Outorgada a declaración de utilidade pública que leva implícita a urxente ocupación dos bens e dereitos afectados polas instalacións do parque eólico Monte Castelo, con 37 aeroxeradores de potencia unitaria 850 kW, potencia total 31,45 MW, sito nos termos municipais de Lalín e Vila de Cruces (expediente IN661A 00/1-4), por resolución da Consellería de Industria e Comercio do 11 de xuño de 2002 a favor da entidade beneficiaria Gamesa Energía, S.A., con enderezo para efectos de notificacións na avenida do Cruceiro da Coruña, 201-A, 15705 Santiago de Compostela (A Coruña).
Esta delegación provincial acorda sinala-lo día 18 de xullo de 2002 ás 10 horas no Concello de Lalín, como punto de reunión previo para desprazarse posteriormente ó terreo para o levantamento das actas previas á ocupación, de conformidade cos artigos 52 da Lei de expropiación forzosa do 16 de decembro de 1954 e 56 do seu Regulamento do 26 de abril
de 1957, nas que se describirán os bens ou dereitos expropiables que son obxecto de expropiación forzosa, servidumes permanentes de paso e ocupación temporal por obras, contidos na relación de predios que se xunta e se expón con esta resolución no taboleiro de edictos do Concello de Lalín, deducida do acordo da Delegación Provincial de Industria e Comercio de Pontevedra do 6 de xuño de 2000 que se someteu a información pública no Diario Oficial de Galicia do 19 de xuño de 2000; actos ós que deberán concorre-los propietarios propostos dos predios afectados, ós que se lles practicará notificación individual, sinalándoselles a data e a hora do levantamento efectivo das actas.
Esta publicación realízase igualmente para os efectos do artigo 59.4º da Lei 30/1992, do 26 de novembro, de réxime xurídico das administracións públicas e do procedemento administrativo común, cando os titulares dos predios propostos sexan descoñecidos ou se ignore o lugar de notificación; e así, dirixirlle ó Ministerio Fiscal as dilixencias que se produzan destes, de conformidade co artigo 5 da citada Lei de expropiación forzosa.
Pontevedra, 5 de xullo de 2002.
Carmen Bianchi Valcarce
Delegada provincial de Pontevedra
Relación de fincas que se van expropiar
Parque eólico Monte Castelo
Propietario Superficie afección
Nº Nome Enderezo Pol. Par. (S.E.) (S.V.) (P.E.) (O.T.)
19 Descoñecido, rpte. fiscal da Audiencia Provincial r/ Salvador Moreno, nº 5, 32002 Pontevedra - - 14.142,31 m 3.067,86 m 36.547,81 m 36.547,81 m
CONSELLERÍA DE POLÍTICA AGROALIMENTARIA E
DESENVOLVEMENTO RURAL
