Para os efectos previstos na Lei 54/1997, do 27 de novembro (BOE nº285), do sector eléctrico, e no título VII do Real decreto 1955/2000, do 1 de decembro (BOE nº 310), sobre autorización de instalacións de enerxía eléctrica, sométese a información pública a petición de autorización administrativa e a aprobación do proxecto de execución da instalación eléctrica que se cita:

Solicitante: Unión Fenosa Distribución, S.A.

Domicilio social: avda. de Arteixo, 171, 15007 A Coruña.

Denominación: L.M.T.S. e C.T.C. peirao San Diego (instalación de bioetanol).

Situación: A Coruña.

Descricións técnicas: liña eléctrica subterránea de media tensión a 15 kV, baixo tubo e con conductor R.H.V. 12/20 kV de 3 (1x240) mm Al, de 160 m de lonxitude, coa orixe no tramo de liña existente entre C.T. Palloza e C.T. peirao Centenario e final no C.T.C. peirao de San Diego (instalación de bioetanol).

Centro de transformación en caseta prefabricada de formigón, de 250 kVA e tensións de 15/0,380-0,220 kV no peirao de San Diego. Concello da Coruña.

Todas aquelas persoas ou entidades que se consideren afectadas poderán examina-lo expediente e presenta-las súas alegacións nesta delegación provincial, sita no edificio administrativo de Monelos, s/n, 15071 A Coruña, no prazo de vinte días, a partir da última publicación.

A Coruña, 11 de xuño de 2002.

Jesús Espada Martínez

Delegado provincial da Coruña