De conformidade coa proposta elevada pola comisión constituída para xulga-lo concurso convocado por Resolución desta universidade do 17 de agosto de 2001 (BOE do 13 de setembro) para a provisión dunha praza de catedrático de universidade da área de coñecemento de medicina, do departamento de Medicina da Universidade de Santiago de Compostela, a Ángela Peñalva Maqueda, tendo en conta que a interesada cumpre os requisitos a que alude o número 2º do artigo 5 do Real decreto 1888/1984, do 26 de setembro;
Este rectorado, en uso das atribucións conferidas polo artigo 42 da Lei 11/1983, do 25 de agosto, de reforma universitaria, e demais disposicións que a desenvolven, resolveu nomear a Ángela Peñalva Maqueda catedrática de universidade da área de coñecemento de medicina, do departamento de Medicina da Universidade de Santiago de Compostela.
Santiago de Compostela, 13 de xuño de 2002.
F. Darío Villanueva Prieto
Rector da Universidade de Santiago de Compostela
XULGADO DE PRIMEIRA INSTANCIA E INSTRUCCIÓN NÚMERO UN
DE ARZÚA