De conformidade coa proposta da comisión designada para xulga-lo concurso que convocou esta universidade por Resolución do 19 de xullo de 2001 (BOE do 17 de agosto, corrección de erros BOE do 8 de setembro), para a provisión da praza número 01/054 de profesor titular de escola universitaria da área de coñecemento de ciencias e técnicas da navegación, do departamento de Ciencias da Navegación e da Terra desta universidade, a favor de José Miguel Blas Orbán, e unha vez que o interesado acreditara os requisitos ós que alude o punto 2 do artigo 5º do Real decreto 1888/1984, do 26 de setembro,
Este rectorado, no uso das atribucións que lle confire o artigo 42 da Lei 11/1983, do 25 de agosto, de reforma universitaria e demais disposicións que a desenvolven, resolveu nomear a José Miguel Blas Orbán profesor titular de escola universitaria da área de coñecemento de ciencias e técnicas da navegación, do departamento de Ciencias da Navegación e da Terra desta universidade.
A Coruña, 14 de xuño de 2002.
José Luis Meilán Gil
Rector da Universidade da Coruña