Aprobado pola Comisión de Goberno deste concello o prego de condicións económico-administrativas que rexerán o procedemento para a contratación da subministración referenciada, anúnciase o concurso, aínda que a licitación se aprazará, cando resulte necesario, de presentarse reclamacións.
Así mesmo, sométese o proxecto técnico das obras de instalación dos anteriores a exposición pública para a presentación de alegacións polos posibles interesados.
Anuncio de licitación.
1. Entidade adxudicadora: Concello de Bueu.
2. Obxecto do contrato: execución das subministracións consistentes en subministración e instalación da iluminación pública en Agrelo PPC/2002. Lugar de entrega: Concello de Bueu, Pontevedra. Prazo de entrega: 2 meses.
3. Tramitación: ordinaria. Procedemento: aberto. Forma: concurso.
4. Tipo de licitación: 88.972,29 euros.
5. Garantías: provisional: non esixible. Definitiva: 4% do importe da adxudicación.
6. Obtención de información: concello de Bueu. R/ Eduardo Vicenti, 10. 36939. Teléfono: 986 39 00 29, telefax: 986 32 20 99, ata o último día do prazo para a presentación de ofertas, este incluído.
7. Requisitos específicos do contratista: non se esixen requisitos específicos distintos dos xerais sinalados nos pregos.
8. Presentación de proposicións:
a) Data límite de presentación: ós 15 días naturais desde o seguinte ó de publicación deste anuncio no DOG, en horario de oficina, no rexistro xeral do concello, ou da forma sinalada na cláusula 8 do prego de condicións.
b) Documentación que hai que presentar: as proposicións constarán de dous (2) sobres pechados, A e B, denominados: «Documentación xeral» e «Documentación específica» para o concurso, coas inscricións e a documentación que se sinala na cláusula 8 dos pregos.
9. Apertura de ofertas: na casa do concello, ás 13 horas do 6º día hábil seguinte ó de finalización do prazo para presentar proposicións (se o día fose sábado trasladarase ó primeiro día hábil seguinte).
10. Gastos de anuncios: por conta do adxudicatario.
Bueu, 18 de xuño de 2002.
Tomás Barreiro Sotelo
Alcalde