En cumprimento do establecido na Lei 10/1996, do 5 de novembro, de actuación de entes e empresas nas que ten participación maioritaria a Xunta de Galicia, en materia de persoal e contratación, a dirección da Fundación Pública Hospital Virxe da Xunqueira anuncia a convocatoria de probas de selección de persoal sanitario facultativo e non facultativo co fin de proceder a cobertura das prazas que máis abaixo se reseñan.
Na súa virtude, a dirección da fundación fai pública a convocatoria de selección para a cobertura inicial dos seguintes postos de traballo: 2 prazas de especialista en pediatría (ref. PED), 1 praza de especialista en nefroloxía (ref. NEF), 1 praza de especialista en hematoloxía (ref. HEM), 1 praza de especialista en hospitalización a domicilio (ref. HADO), 1 praza de especialista en radioloxía (ref. RAD), 1 praza de farmacéutico (ref. FARMA), 1 praza de fisioterapeuta (ref. FISIO), segundo as seguintes bases:
Titulacións: as correspondentes vía MIR ou equivalente. Para a praza de HADO a especialidade esixida é a medicina interna ou medicina familiar e comunitaria. Para a praza de fisioterapeuta a titulación
académica correspondente de diplomado en fisioterapia.
Experiencia e formación: formación postgrado; experiencia vía MIR e FIR no caso da praza de farmacéutico. Para praza de fisioterapeuta valorarase formación e experiencia hospitalaria.
Tipo de contrato: a contratación do persoal que resulte seleccionado someterase ó disposto no Estatuto dos traballadores para o contrato indefinido, cun período de proba de 6 meses.
Procedemento de selección: artellarase a través dunha proba eliminatoira sobre a especialidade profesional correspondente e posterior entrevista persoal con valoración de méritos relativos a formación e experiencia. A selección será efectuada por unha comisión designada para o efecto.
Puntuación final e aspirantes seleccionados: coa suma das puntuacións outorgadas confeccionarase a lista final por orde de puntuación alcanzada por cada aspirante, resultando seleccionado o aspirante de máxima puntuación.
Se se considerase que os candidatos nalgunha das prazas no reunisen os requisitos mínimos, declararase deserta a convocatoria.
Igualmente, si se modificase a necesidade de cobertura das citadas prazas, a dirección da fundación poderá modifica-lo número de prazas que haxa que seleccionar dentro de cada unha das categorías convocadas.
Inicio das probas: as probas no serán realizadas antes dun mes contado desde a data de publicación desta convocatoria no DOG.
Solicitude de participación: os aspirantes deberán remitir o seu currículum vitae detallado, con acreditación documental dos méritos alegados, á Fundación Pública Virxe da Xunqueira domiciliada en Lg./ Recheo, s/n, Paseo Marítimo, 15270 Cee, A Coruña, no prazo non prorrogable de 20 días naturais, contados desde o mesmo día da publicación deste anuncio no DOG indicando no sobre a referencia correspondente, logo do pagamento da cantidade de 46,61 A para a praza de titulado superior e de 40,75 A para a praza de diplomado universitario, do que achegará xustificante de pagamento, en concepto de taxas por probas de acceso, que se ingresarán na conta do Banco Santander Central Hispano, número 0049-3563-12-2814021901. Teléfono de información: 981 70 61 87.
Incorporación: a formalización do contrato e a incorporación definitiva dos seleccionados producirase segundo as necesidades de posta en funcionamento dos correspondentes servicios do hospital.
José Rey Aneiros
Director da Fundación Pública Hospital
Virxe da Xunqueira