O Pleno do Concello, en sesión realizada o 13 de maio de 2002, adoptou, entre outros, o seguinte acordo:

Primeiro.-Aproba-la modificación puntual do PXOM realtiva a dous rueiros delimitados pola Ronda de Outeiro, avenida de Gran Canaria, rúa Alcalde Abad Conde e avenida de Labañou, ámbalas dúas divididas pola rúa Paraguay, redactada de oficio polos técnicos municipais.

Segundo.-Ordena-la publicación deste acordo na forma legalmente prevista.

O que se fai público para xeral coñecemento, co fin de que á vista do expediente se poidan formula-las alegacións que se consideren pertinentes durante o prazo dun mes, contado a partir do día seguinte ó da publicación deste anuncio no Diario Oficial de Galicia. O expediente pode consultarse no Servicio de Urbanismo, sito na rúa do Parque, s/n, en horario laboral das 12 ás 14 horas, de luns a venres.

A Coruña, 16 de maio de 2002.

Salvador Fernández Moreda

Concelleiro delegado de Urbanismo