A Asociación de Diabéticos Ferrolterra fai a doazón da cantidade de once mil euros (11.000 A) a favor do Servicio Galego de Saúde con destino ó Servicio de Farmacia do Hospital de Conxo, pertencente ó

Complexo Hospitalario Universitario de Santiago de Compostela, para que sexa investida na adquisición de insulina que, posteriormente, se enviará ó hospital da Casa de Galicia de Bos Aires (Arxentina).

Conforme o artigo 17.1º da Lei 3/1985, do 12 de abril, do patrimonio da Comunidade Autónoma, requírese decreto do Consello da Xunta de Galicia para a adquisición de bens a título gratuíto.

En cumprimento do disposto na Lei 3/1985, do 12 de abril, do patrimonio da Comunidade Autónoma, de conformidade coa proposta do conselleiro de Sanidade e presidente do Servicio Galego de Saúde, e logo de deliberación do Consello da Xunta de Galicia na súa reunión do día trece de xuño de dous mil dous,

DISPOÑO:

Artigo 1º.-Acéptase a doazón da cantidade de once mil euros (11.000 A) da Asociación de Diabéticos Ferrolterra.

Artigo 2º.-A devandita cantidade acéptase segundo o establecido na normativa en materia patrimonial da Comunidade Autónoma e destinarase ó Servicio de Farmacia do Hospital de Conxo, dependente do Complexo Hospitalario Universitario de Santiago de Compostela, co fin de ser investida na adquisición de insulina para ser enviada ó hospital da Casa de Galicia de Bos Aires (Arxentina).

Disposición derradeira

O Servicio Galego de Saúde, a través do seu órgano competente, levará a cabo os trámites necesarios para a efectividade de canto se dispón neste decreto.

Santiago de Compostela, trece de xuño de dous mil dous.

Manuel Fraga Iribarne

Presidente

José María Hernández Cochón

Conselleiro de Sanidade e presidente do Servicio

Galego de Saúde