Rematado o prazo de presentación de solicitudes para o outorgamento de concesións administrativas de ocupación e utilización exclusiva de prazas de amarre nas instalacións para a náutica recreativa no porto de Meloxo, establecido na convocatoria publicada no Diario Oficial de Galicia nº 130, do 5 de xullo de 2001, e atopándose baleiras prazas de amarre, anúnciase, de conformidade co establecido na lexislación vixente en materia de portos, e en virtude das facultades conferidas pola Orde do 29 de xaneiro de 1996 (DOG nº 28, do 8 de febreiro), sobre delegación de competencias no presidente de Portos de Galicia, a apertura dunha nova convocatoria pública (2ª) para a presentación de solicitudes de outorgamento de concesións administrativas para a ocupación e utilización exclusiva de prazas de atraque nas instalacións para a náutica recreativa no porto de Meloxo, por período de dous (2) meses contados desde o día seguinte ó de publicación desta resolución no Diario Oficial de Galicia, que

se rexerá polo prego de bases e de condicións aprobados para os efectos, que estarán á disposición dos interesados na sede central do ente público Portos de Galicia, sita na praza de Europa, 5-A, 6º, 15707 Santiago de Compostela, e na sede da zona sur deste ente público, sita na rúa Benito Corbal 37-3ª, 36001 Pontevedra.

Ábrese, así mesmo, un prazo de vinte (20) días hábiles, contados a partir do seguinte ó de publicación deste anuncio no Diario Oficial de Galicia, para que as persoas e entidades interesadas poidan presentar por escrito na devandita sede central de Portos de Galicia as alegacións que consideren oportunas relativas a esta convocatoria.

Santiago de Compostela, 22 de maio de 2000.

Emilio García Gallego

Presidente do ente público Portos de Galicia