Recibida providencia do Tribunal Superior de Xustiza de Galicia, Sala do Contencioso-Administrativo, sección primeira da Coruña, pola que se reclamaba o expediente relativo ó recurso contencioso-administrativo, número 01/0000594/2002 IN, interposto por Alimentos Breogán, S.A. (Albresa), contra o acordo da Consellería de Política Agroalimentaria e Desenvolvemento Rural do 3 de abril de 2002, sobre sanción en materia de calidade alimentaria, esta dirección xeral remitiu o expediente administrativo que xa consta no xulgado.

Recibida posteriormente solicitude do órgano xudicial de emprazamento dos afectados, esta dirección xeral acorda notificar, para un xeral coñecemento, a tódalas persoas interesadas no procedemento, e son emprazadas para que poidan comparecer como parte ante a sección primeira da Sala do Contencioso-Administrativo do Tribunal Superior de Xustiza de Galicia na Coruña, no prazo de nove días, de conformidade co disposto no artigo 49 da Lei 29/1998, do 13 de xullo, reguladora da xurisdicción contencioso-administrativa.

Santiago de Compostela, 5 de xuño de 2002.

Secundino Grobas Mosquera

Director xeral de Industrias

e Promoción Agroalimentaria