Vista a acta de reunión celebrada o día 5-2-2002 pola mesa negociadora do convenio colectivo para o Persoal Laboral do Concello de Ribadeo (código 2700742), da provincia de Lugo (publicado no BOP nº 200, do 31 de agosto de 2001) na que se acorda modifica-lo artigo 6, a ampliación da disposición adicional 1ª, así como o do anexo que contén a RPT do vixente convenio colectivo, aprobado no Pleno da Corporación en sesión do día 11 de marzo de 2002, pola representación da mentada empresa e a dos seus traballadores, e de conformidade co disposto no artigo 90, puntos 2º e 3º do Real decreto lexislativo 1/1995, do 24 de marzo, polo que se aproba o texto refundido da Lei do Estatuto dos traballadores, e no Real decreto 1040/1981, do 22 de maio, sobre rexistro e depósito de convenios colectivos de traballo.
Esta delegación provincial
ACORDA:
Primeiro.-Ordena-la inscrición da citada modificación e ampliación do convenio colectivo no rexistro de convenios desta delegación, así como o seu depósito.
Segundo.-Remiti-lo texto da mentada modificación e ampliación do convenio colectivo á Dirección Xeral de Relacións Laborais da Xunta de Galicia.
Terceiro.-Dispoñe-la súa publicación no Diario Oficial de Galicia e no BOP.
Lugo, 5 de abril de 2002.
Manuel Teijeiro Álvarez
Delegado provincial de Lugo
Jesús Fernández de la Puente Pérez, secretario do Concello de Ribadeo (Lugo), certifico:
Que o Pleno do Concello en sesión celebrada o día 11 de marzo de 2002, acordou logo de dictame da comisión informativa de gobernación e persoal e por maioría de 8 votos do Grupo Popular e 4 abstencións dos Grupos BNG e PSG-PSOE prestar aprobación á proposta da Alcaldía que recolle as seguintes modificacións no convenio de persoal laboral:
16.5. Modificación convenio persoal laboral.
Artigo 6. Nova redacción.
O Concello de Ribadeo comprométese a mante-la mesma consignación vixente no orzamento municipal para esta finalidade (cun máximo de 24.040,45A, 4.000.000 de pesetas como préstamo vivo total). A contía máxima dos anticipos a que ten dereito cada empregado será de ata un máximo de 3.606,08 A, 600.000 pesetas. A amortización dos anticipos realizarase en dez, vinte ou trinta mensualidades segundo a contía destes.
Terán dereito ós anticipos os empregados laborais fixos e temporais cunha antigüidade superior a un ano. No caso de cesamento deberá amortizarse anticipadamente.
-Os anticipos poderanse solicitar do 1 ó 6 de cada mes e resolveranse do 1 ó 15 de cada mes.
-As solicitudes serán presentadas nunha instancia oficial para o efecto no concello, polo solicitante, vía rexistro, recollendo ano, mes día e hora de presentación.
-Os anticipos serán adxudicados por estricta orde de presentación e cos seguintes matices:
* Terán dereito en primeiro lugar aqueles traballadores que nunca o solicitaran ata o momento. En
todo caso en orde inversa ó número de anticipos concedidos.
* Non se poderá percibir outro anticipo ata que remate o prazo elixido orixinalmente para a amortización dun anterior.
* Os traballadores que tiveran concedido anticipo nos últimos cinco anos ocuparán o último lugar no caso de existencia de máis dunha solicitude. Existirá unha comisión paritaria composta por dous representantes do concello e dous representantes dos delegados de persoal laboral que resolverá o outorgamento de anticipos en casos de dúbida respecto deste artigo.
Disposición adicional 1ª. Engádese o seguinte parágrafo:
«OEP/2002.
Persoal laboral.
1. Responsable do Programa de Prevención de Drogodependencias. Número de prazas: unha. Estudios requiridos: licenciado en psicoloxía.
2. Responsable Oficina Municipal de Información Xuvenil. Número de prazas: unha. Estudios requiridos: titulación universitaria de grao medio.
3. Responsable da Oficina Municipal de Información ó Consumidor. Número de prazas: unha. Estudios requiridos: graduado escolar, FP 1º grao ou equivalente».
Anexo. Modifícase a RPT coa creación das seguintes prazas:
0403. Responsable Programa Prevención Drogodepencias. Ten as seguintes funcións: elaboración, desenvolvemento e avaliación dos programas de prevención de drogodependencias que sexan programados polo Concello a título individual ou en colaboración coa Xunta de Galicia e incluso con outros concellos, todo baixo a supervisión dos responsables municipais do servicio.
As características que configuran o posto son as seguintes:
a) As condicións xerais do posto determinan a aplicación dun CD nivel 24.
b) As condicións particulares del determinan un CE mensual de 350,01 A.
0641. Responsable Oficina Información Xuvenil. Ten as seguintes funcións: responsable administrativo da Oficina de Información Xuvenil desenvolvendo actividades de información e orientación dos mozos e mozas do concello, organización de cursiños, actividades e desenvolvemento de programas en materia xuvenil, con posibilidade xornada especial (xornada partida incluídos sábados).
As características que configuran o posto son as seguintes:
a) As condicións xerais do posto determinan a aplicación dun CD nivel 23.
b) As condicións particulares deste determinan un CE mensual de 350,01 A.
0910. Responsable Oficina Municipal Información ó Consumidor. Ten as seguintes funcións: responsable administrativo da Oficina Municipal de Información ó Consumidor desenvolvendo actividades de orientación, información, divulgación e programación de cursos e actividades en materia de consumo no marco da lexislación autonómica na materia. Do mesmo xeito desempeñará funcións de coordinación
de tarefas administrativas en materia de praza de abastos e mercado.
As características que configuran o posto son as seguintes:
a) As condicións xerais do posto determinan a aplicación dun CD nivel 16.
b) As condicións particulares deste determinan un CE mensual de 257,41 A.
E para que conste, expido a presente, coa excepción do artigo 206 do ROF, de orde e co visto e prace do alcalde, en Ribadeo, 2 de abril de 2002.
Visto e prace
O alcalde
