Vistas as peticións de prórroga das concesións que se citan no anexo, resulta:
Antecedentes de feito.
Primeiro.-Por orde do Ministerio de Comercio do 7 de outubro de 1975 (BOE nº 254) outórganse 930 concesións administrativas para a instalación doutros tantos parques de cultivo de moluscos na zona do Carril, distrito marítimo de Vilagarcía de Arousa, a precario e por un prazo de 10 anos, prorrogables por petición dos interesados.
Por Orde do 29 de outubro de 1984, (DOG nº 229) outórgase concesión administrativa para instalar un parque de cultivo de ameixas e berberechos no distrito marítimo de Vilagarcía de Arousa a favor de José Mollinedo Rey cunha ocupación de 1.351,25 metros cadrados.
Segundo.-Mediante Decreto 158/1991, do 16 de maio, declárase de interese marisqueiro e urxente execución a revisión e reordenación dos citados parques de cultivo, co obxecto de proceder a unha regularización da situación de feito existente, á revisión das circunstancias de titularidade dos parques e á oportuna reordenación que adecue á súa situación e superficie a unha explotación máis racional dos recursos.
Terceiro.-Aprobada a fase de revisión do citado proceso por resolución da Dirección Xeral de Marisqueo e Acuicultura do 26 de decembro de 1995, cómpre proceder ó inicio da fase de reordenación, da que xurdirán as novas concesións, para o que resulta inescusable desestimar, neste momento do proceso, tales peticións de prórroga.
Fundamentos xurídicos.
Primeiro.-Este órgano é competente para resolver tales peticións de conformidade co disposto no Real decreto 3318/1982, do 24 de xullo, sobre traspaso de funcións e servicios da Administración do Estado á Comunidade Autónoma de Galicia en materia de pesca e na Lei 6/1993, do 11 de maio, de pesca de Galicia.
Segundo.-Tendo en conta que o prazo de vixencia das concesións administrativas que amparan os citados parques expirou, e que de conformidade co disposto na letra C do artigo 72 da Lei 6/1993, do 11 de maio, as concesións se extinguirán polo vencemento do prazo de outorgamento sen que se solicitase e se concedese prórroga.
Por todo o anterior, esta consellería, facendo uso das súas atribucións e competencias, acorda dene
ga-las prórrogas solicitadas e proceder, de conformidade co artigo 72 da Lei 6/1993, do 11 de maio, á extinción das concesións relacionadas no anexo a esta orde.
Contra esta resolución, que esgota a vía administrativa, poderase interpoñer recurso potestativo de reposición, no prazo dun mes, ante o conselleiro de Pesca e Asuntos Marítimos, ou recurso contencioso-administrativo, que se interporá no prazo de dous meses ante a xurisdicción contencioso-administrativa; ámbolos dous prazos contaranse desde o día seguinte ó da súa publicación, de conformidade co disposto no artigo 116 da Lei 30/1992, do 26 de novembro, modificada pola Lei 4/1999, de réxime xurídico das administracións públicas e do procedemento administrativo común e o artigo 46.1º de la Lei 29/1998, do 13 de xullo, da xurisdicción contencioso-administrativa.
Disposición derradeira
Esta orde entrará en vigor o día seguinte ó da súa publicación no Diario Oficial de Galicia.
Santiago de Compostela, 3 de xuño de 2002.
Enrique Cesar López Veiga
Conselleiro de Pesca e Asuntos Marítimos
1. Orde do 7 de outubro de 1975 pola que se outorgan 930 concesións administrativas para instalación doutros tantos parques de cultivo de moluscos na zona do Carril, distrito marítimo de Vilagarcía de Arousa.
PARCELA Nº NOME SUPERFICIE M
253 CARLOS FRANCO BOULLOSA 147
269 RODRIGO CRESPO GARCIA 94
280 MANUEL EIRAS LOPEZ 35
323 OLIVA FRANCO BOULLOSA 27
335 EDELMIRO CRESPO GARCIA 29
383 JUANA CRESPO GARCIA 78
401 CRESPO, RIVAS Y VARELA, S.L. 262
437 CAREMEN IGLESIAS RAMOS 104
482 ROQUE RAMOS CRESPO 48
535 JOSE PATIO RODRIGUEZ 547
567 CAREMEN IGLESIAS RAMOS 270
586 CARLOS RIVAS FERNANDEZ 186
599 ANTONIO FRANCO BOULLOSA 572
639 ANTONIO FRANCO BOULLOSA 419
704 ANTONIO FRANCO BOULLOSA 221
794 LUIS IGLESIAS CARBALLO 3.642
804 RAMON GIL MANEIRO 54
806 JOSE IGLESIAS DEL RIO 76
812 JUAN ROMA LOJO 285
817 JUAN ROMA LOJO 227
820 MARIA INES EIRAS CHAVES 378
823 JOSE L. CASTRO ROMAY 143
824 PAULINA SABORIDO TEIRA 301
861 GUMERSINDO TORRADO TORRADO 44
2. Orde do 29 de outubro de 1984, (DOG nº 229) pola que se outorga concesión administrativa para instalar un parque de cultivo de ameixas e berberechos no distrito marítimo de Vilagarcía de Arousa a favor de José Mollinedo Rey cunha ocupación de 1.351,25 metros cadrados.
PARCELA Nº NOME SUPERFICIE M
EXP. 5464 JOSE MOLLINEDO REY 1.351,25
CONSELLERÍA DE XUSTIZA, INTERIOR E RELACIÓNS
LABORAIS