En cumprimento do principio de publicidade establecido ó abeiro do artigo 302 da Lei 5/1997, da Administración local de Galicia, EMALCSA publica o seguinte anuncio de selección de persoal.
1. Obxecto.
Convócanse as probas selectivas para cubrir unha praza de adxunto ó xefe de planta e unha praza
de técnico de instalacións interiores e contadores, segundo o sistema de concurso-oposición.
2. Requisitos mínimos esixidos.
-Praza de adxunto ó xefe de planta: estar en posesión do título de enxeñeiro técnico industrial ou naval. Experiencia profesional mínima de 2 anos.
-Praza de técnico de instalacións interiores e contadores: estar en posesión do título de enxeñeiro técnico industrial ou naval. Experiencia mínima de 2 anos no campo da construcción e/ou proxectos de instalacións.
Estes requisitos deberanse posuír no momento de finaliza-lo prazo de presentación de solicitudes e xustificarse documentalmente.
3. Prazo e lugar de presentación de solicitudes.
Os interesados que cumpran os requisitos mínimos establecidos e que desexen participar nas probas selectivas, poderán consulta-las bases da convocatoria na Secretaría de EMALCSA, rúa Dr. Enrique Hervada 4, 15006 A Coruña, no horario de 9 a 13 horas de luns a venres.
A presentación das solicitudes farase, segundo o modelo oficial de instacia contido nas bases da convocatoria, xuntando a documentación requirida, nas nosas oficinas, no mesmo enderezo e horario anteriormente indicados, nos 15 días naturais seguintes ó da publicación oficial da convocatoria no Diario Oficial de Galicia.
As bases completas e os sucesivos anuncios referentes a esta convocatoria publicaranse unicamente no taboleiro de anuncios das oficinas centrais de EMALCSA.
4. Comezo das probas.
En ningún caso se realizarán antes de 25 días contados a partir do seguinte ó da publicación deste anuncio no Diario Oficial de Galicia.
Na Coruña, 11 de xuño de 2002.
José Antonio Orejón Pajares
Director xerente de EMALCSA
PADROADO PARA O DESENVOLVEMENTO DO PLAN
DE EXCELENCIA TURÍSTICA
CONCELLOS DO GROVE
E SANXENXO