Obxecto do contrato: realización das obras de substitución da cuberta de cobre na sala principal e camerinos do Auditorio de Galicia en Santiago de Compostela.

Tipo de licitación: 139.524,36 A, IVE incluído.

Prazo de execución: 2 meses.

Forma de adxudicación: concurso por procedemento aberto.

Proposicións: os licitadores poderán presentar proposicións no rexistro xeral do Concello de Santiago de Compostela, entre as 9 e as 14 horas, dentro do prazo de vinteseis días naturais, contados desde o día seguinte á data da derradeira das publicacións que corresponde facer no Diario Oficial de Galicia e no BOP da Coruña.

Clasificación do contratista: grupo C, subgrupos 7 e 9, categoría d.

Documentación: información: Concello de Santiago de Compostela (Departamento de Contratación). Teléf.: 981 54 30 33. Fax: 981 57 76 27. Recollida de documentación: Copy Nova, rúa Nova de Abaixo nº 12, local 4. Teléf.: 981 59 23 93.

Criterios de adxudicación: son os sinalados no artigo 15.3º.3 do prego de cláusulas administrativas.

Garantías: definitiva: 4% do importe de adxudicación.

Apertura de plicas: terá lugar en acto público na casa do concello (secretaría) ás 12 horas, o segundo día hábil, non sábado, seguinte á finalización do prazo de presentación de proposicións.

Santiago de Compostela, 12 de xuño de 2002.

Xosé A. Sánchez Bugallo

Alcalde