A mobilidade do persoal funcionario entre as administracións das distintas comunidades autónomas e
a Administración do Estado vén garantida e regulada, co carácter de base do réxime estatutario dos funcionarios públicos ó amparo do artigo 149.1.18 da Constitución española, no artigo 17 da Lei 30/1984, do 2 de agosto, de medidas para a reforma da función pública, modificada polo artigo 39.2º da Lei 55/1999, do 29 de decembro, de medidas fiscais, administrativas e da orde social (BOE nº 312, do 30 de decembro).
Pola súa parte, o artigo 42 da Lei 4/1988, do 26 de maio, da función pública de Galicia establece de acordo coa lexislación básica do Estado o dereito á mobilidade dos funcionarios procedentes doutras administracións públicas de conformidade coas condicións e requisitos que se determinen previamente pola Xunta de Galicia nas relacións de postos de traballo.
Co fin de facer efectivo este dereito procede, en consecuencia, modifica-las relacións de postos de traballo da Administración da Xunta de Galicia.
Na súa virtude, por proposta do conselleiro da Presidencia, Relacións Institucionais e Administración Pública, oídas as organizacións sindicais presentes na Mesa Xeral de Negociación da Comunidade Autónoma e a Comisión de Persoal, o Consello da Xunta de Galicia, na súa reunión do día trece de xuño de dous mil dous, adoptou o seguinte
ACORDO:
Primeiro.-Modifica-las vixentes relacións de postos de traballo da Administración da Xunta de Galicia, nos termos que se sinalan no anexo a este acordo.
Segundo.-Ordena-la publicación da dita modificación no Diario Oficial de Galicia para efectos da súa entrada en vigor o mesmo día.
Visto o acordo adoptado polo Consello da Xunta de Galicia na súa reunión do trece de xuño de dous mil dous, relativo á modificación das relacións de postos de traballo da Administración da Xunta de Galicia, coa finalidade de cumpri-lo dito acordo, dispoño que se publique no Diario Oficial de Galicia como anexo a esta resolución.
Santiago de Compostela, 14 de xuño de 2002.
Jaime Pita Varela
Consellerio da Presidencia, Relacións
Institucionais e Administración Pública
ANEXO
CÓDIGOS DA ADSCRICIÓN A ADMINISTRACIÓNS PÚBLICAS:
AXG: adscrición exclusiva a funcionarios da Administración da Xunta de Galicia.
A11: adscrición indistinta a funcionarios da Administración da Xunta de Galicia, Administración do Estado, Administración de comunidades autónomas.
A12: adscrición indistinta a funcionarios da Administración da Xunta de Galicia, Administración do Estado, Administración de comunidades autónomas e Administración local.
A13: adscrición indistinta a funcionarios da Administración da Xunta de Galicia, Administración do Estado, Administración de comunidades autónomas e Administración de xustiza.
A14: adscrición indistinta a funcionarios da Administración da Xunta de Galicia, Administración do Estado, Administración de comunidades autónomas, e Forzas e Corpos de Seguridade do Estado.
A15: adscrición indistinta a funcionarios da Administración da Xunta de Galicia, Administración do Estado, Administración de comunidades autónomas, persoal estatutario do Sergas e persoal laboral da Administración da Xunta de Galicia.
A16: adscrición indistinta a funcionarios da Administración da Xunta de Galicia, Administración do Estado, Administración de comunidades autónomas e persoal estatutario do Sergas.
A17: adscrición indistinta a funcionarios da Administración da Xunta de Galicia, Administración do Estado, Administración de comunidades autónomas e persoal docente con destino na Comunidade Autónoma de Galicia.
A20: outras adscricións que se definirán nas relacións de postos de traballo.
NOVOS CÓDIGOS DE FORMACIÓN ESPECÍFICA:
640.-Para persoal doutra Administración, curso de perfeccionamento de galego (R.I.).
641.-Para persoal doutra Administración, curso de iniciación de galego (R.I.).
OBSERVACIÓN:
Os restantes postos de persoal funcionario, que se provexan polo sistema de concurso, e que non figuren nas relacións adxuntas serán de adscrición exclusiva a funcionarios da Administración da Xunta de Galicia, polo que na columna «Adscr. Adm. P.» figurará «AXG».
Observacións:
1. Sen dotar orzamentariamente.
2. Ocupado por laboral fixo.
3. Posto situado en Ferrol.
4. Posto situado en Vigo.
5. Ocupado por funcionairo non pertencente a escala.
6. Ocupado por docente.
7. Decreto 199/1994.
8. Xornada partida.
9. Xornada especial.
10. Se é persoal laboral dos grupos I. II.
11. Complemento de convenio: 9.564 A.
12. Complemento de convenio: 5.736 A.
13. Complemento de convenio: 3.444 A.
14. Complemento de convenio: 7.656 A.