De conformidade co disposto polo artigo 59.4º da Lei do 26 de novembro de 1992 (BOE do 27 de novembro), de réxime xurídico das administracións públicas e do procedemento administrativo común, e no Decreto 14/2002, do 24 de xaneiro (Diario Oficial de Galicia do 6 de febreiro de 2002), polo que se establece a estructura orgánica da Consellería de Medio Ambiente, notifícaselles ás persoas que no anexo se mencionan que, con esta data, resolvín publica-lo acordo de iniciación do procedemento sancionador por infracción da Lei 10/1998, do 21 de abril, de residuos (BOE nº 96, do 22 de abril), por non ser posible a notificación a través do servicio de correos.

Nómease instructor deste procedemento a Luis Quiroga Arnal, e secretaria a Paloma Quiroga López, funcionarios desta delegación provincial, que poderán ser recusados en calquera momento da tramitación do expediente de concorre-los supostos legais.

Os interesados diporán dun prazo de quince días (15), contados a partir do seguinte ó da publicación desta notificación, para achegaren por escrito cantas alegacións, documentos, informacións ou propostas de probas consideren convenientes en defensa dos seus dereitos.

Conforme o establecido no artigo 13.2º do Regulamento de procedemento para o exercicio da potestade sancionadora, do 4 de agosto de 1993, de non efectuarse alegacións no prazo anterior, este acordo de iniciación poderá ser considerado proposta de resolución, determinándose para estes efectos o importe da sanción.

O pagamento voluntario porá fin ó expediente. Para efectualo deberán emprega-los impresos normalizados que lles serán facilitados na Delegación Provincial de Lugo, sita na Ronda da Muralla, nº 70-2º baixo.

O que se lles comunica de acordo coa normativa antes citada e co establecido no Regulamento do procedemento para o exercicio da potestade sancionadora, aprobado polo Real decreto 1398/1993, do 4 de agosto (BOE nº 189, do 9 de agosto de 1993).

Lugo, 13 de maio de 2002.

Luis González Vázquez

Delegado provincial de Lugo

ANEXO

Expediente: E.S.C.A. 20/02-LU.

Denunciado: Corsán-Corvián.

DNI: A-82.807.744.

Enderezo: praza Almirante Romay, nº 6-7º D. A Coruña.

Feito denunciado: a empresa Corsán-Corvina está a realizar un abandono, vertedura ou eliminación incontrolada de mestura de residuos industriais e perigosos (aceites usados, filtros-catalogados co código 13 02 03 como residuos perigosos, segundo o Decreto 154/1998, do 28 de maio, polo que se publica o Catálogo de residuos de Galicia).

Precepto sancionador: artigo 34.3.l) da Lei 10/1998, de residuos.

Cualificación: grave.

Sanción: 30.050,61 euros.