O Consello da Xerencia Municipal de Urbanismo, en sesión do 30 de maio de 2002, adoptou o seguinte acordo:

Primeiro.-Estima-lo recurso de reposición interposto pola entidade mercantil Apartamentos Paseo Marítimo, S.L. contra o acordo do Consello da Xerencia Municipal de Urbanismo do 1 de marzo de 2002, desestimatorio da aprobación inicial do estudio de detalle do polígono D-SU-UA-2. A Carrasqueira (A Coruxo).

Segundo.-Aprobar inicialmente o estudio de detalle D-SU-UA-2 A Carrasqueira, promovido por Apartamentos Paseo Marítimo, S.L., redactado pola arquitecta Míriam Arcas Ardura e visado polo COAG o 23-1-2002.

Terceiro.-Abrir un trámite de información pública polo prazo dun mes, mediante publicación de anuncios no Diario Oficial de Galicia e nun dos xornais de maior circulación da provincia, con notificación individualizada do contido íntegro deste acordo ós propietarios do ámbito, a Carmen Sanjuan Oliveira e demais interesados, na forma prevista nos artigos 58 e 59 da Lei 30/1992, do 26 de novembro (LRXA-PC).

Sométese este expediente ó trámite de información pública polo prazo dun mes, mediante publicación no DOG, nun dos xornais de maior circulación da provincia e no taboleiro de anuncios da Xerencia Municipal de Urbanismo, segundo o establecido no artigo 42.1º da Lei 1/1997, do 24 de marzo, do solo de Galicia. O prazo de exposición pública entenderase aberto desde a primeira publicación ata o remate do mes, contado desde o último anuncio.

A documentación deste expediente atópase ó dispor do público en xeral na oficina de Información Urbanística, na planta baixa da xerencia.

Este anuncio servirá de notificación nos termos establecidos no artigo 59.4º da Lei 30/1992, do 26 de novembro, de réxime xurídico das administracións públicas e do procedemento administrativo común, modificada pola Ley 4/1999, do 13 de xaneiro, para todos e todas aqueles/as interesados/as directamente afectados/as que, por resultaren descoñecidos/as ou por ignora-lo seu domicilio, non poidan ser notificados/as persoalmente.

Vigo, 4 de xuño de 2002.

Lois Pérez Castrillo

Alcalde-presidente da Xerencia

Municipal de Urbanismo