O capítulo II do Regulamento de ordenación da pesca fluvial e dos ecosistemas acuáticos continentais (Decreto 130/1997, do 14 de maio), establece no seu artigo 12 a clasificación dos coutos de pesca fluvial das augas continentais galegas, entre os que recolle no seu punto b) os coutos de pesca intensiva.
Tendo en conta o artigo 15 de Regulamento de ordenación da pesca fluvial e dos ecosistemas acuáticos continentais, que establece o procedemento de creación dos coutos de pesca fluvial.
Tendo en conta que no expediente remitido pola Delegación Provincial de Lugo consta a seguinte documentación:
-O plan de xestión de recursos piscícolas.
-A proposta do Servicio Provincial de Conservación da Natureza.
-O proceso de información pública iniciado no Diario Oficial de Galicia nº 67, do 8 de abril de 2002, que concluiu sen se ter presentado alegacións.
-O informe favorable do Comité Provincial de Pesca Fluvial incluído na acta da xuntanza extraordinaria do 25 de abril de 2002.
A Dirección Xeral de Conservación da Natureza, ó abeiro do artigo 15.2º do Regulamento de ordenación da pesca fluvial e dos ecosistemas acuáticos continentais, resolve aproba-la creación do couto de pesca intensiva da Ulloa nos seguintes termos:
Couto: A Ulloa.
Concellos: Monterroso e Antas de Ulla.
Límite superior: presa de Parteme.
Límite inferior: Ponte Pedriña na estrada Lugo/Pontevedra.
Km: 2,34.
Categoría: pesca intensiva.
Número de permisos: 20 por día.
Cota por pescador e día: 15 troitas.
Santiago de Compostela, 30 de maio de 2002.
Francisco García-Bobadilla Prósper
Director xeral de Conservación da Natureza
CENTRO INFORMÁTICO PARA A XESTIÓN TRIBUTARIA,
ECONÓMICO-FINANCEIRA
E CONTABLE