Examinada a solicitude formulada polo titular do centro privado San Fermín de Caldas de Reis (Pontevedra), que solicita deixar de imparti-lo ciclo formativo de grao medio de equipos e instalacións electrotécnicas, para imparti-lo ciclo formativo de grao medio de equipos electrónicos de consumo.
O devandito centro conta con autorización para imparti-lo ciclo formativo de grao medio de equipos e instalacións electrotécnicas segundo as resolucións do 12 de xuño de 1998 (DOG do 2 de xullo) e do 17 de xuño de 1999 (DOG do 14 de xullo).
O expediente foi tramitado pola Delegación Provincial da Consellería de Educación e Ordenación Universitaria de Pontevedra, que o envía cos informes correspondentes.
Vistos o Real decreto 1004/1991, do 14 de xuño (BOE do 26 de xuño) polo que se establecen os requisitos mínimos dos centros que imparten ensinanzas de réxime xeral non universitarias; Real decreto 777/1998 (BOE do 8 de maio) polo que se desenvolven determinados aspectos da ordenación da formación profesional no ámbito do sistema educativo; Orde do 21 de decembro de 1999 (DOG do 31 de xaneiro de 2000) pola que se regulan determinados aspectos relativos a autorización de centros privados exclusivos de formación profesional específica; Decreto 296/1999 (DOG do 18 de novembro) polo que se desenvolven determinados aspectos dos currículos dos ciclos formativos de formación profesional específica na Comunidade Autónoma de Galicia; Decreto 133/1995 do 10 de maio (DOG do 22 de maio) e a Orde do 20 de setembro de 1995 (DOG do 15 de decembro) que desenvolve o dito decreto.
Considerando que o dito centro pretende a substitución do ciclo formativo de grao medio de equipos e instalacións electrotécnicas polo de equipos electrónicos de consumo para atende-la demanda existente na zona e que os devanditos ciclos pertencen á mesma familia profesional.
Esta consellería, por proposta da Dirección Xeral de Centros e Inspección Educativa,
DISPÓN:
Primeiro.-Autoriza-lo centro privado San Fermín de Caldas de Reis para imparti-lo ciclo formativo de grao medio de equipos electrónicos de consumo.
Segundo.-Suprimi-lo ciclo formativo de grao medio de equipos e instalacións electrotécnicas con efectos do 31 de agosto de 2003 para posibilitar que os alumnos que cursan este ciclo formativo poidan
remata-los seus estudios, quedando a composición resultante segundo os datos do anexo.
Terceiro.-Para as ensinanzas que se autorizan, a delegación provincial da Consellería de Educación e Ordenación Universitaria, despois do informe da Inspección Educativa, aprobará expresamente a relación de persoal que imparta docencia no devandito centro, así como o equipamento adecuado.
Cuarto.-Queda o centro obrigado ó cumprimento da lexislación vixente e a solicita-la oportuna revisión cando teña que modificarse calquera dos datos que sinala a presente orde.
Contra esta orde, que esgota a vía administrativa, os interesados poderán interpoñer recurso potestativo de reposición perante o conselleiro de Educación e Ordenación Universitaria, no prazo dun mes, a partir do día seguinte ó da súa publicación no Diario Oficial de Galicia, segundo o disposto nos artigos 116 e 117 da Lei 4/1999 (BOE do 14 de xaneiro), de modificación da Lei 30/1992, do réxime xurídico das administracións públicas e do procedemento administrativo común, ou ben directamente o recurso contencioso-administrativo no prazo do dous meses perante o Tribunal Superior de Xustiza de Galicia.
Santiago de Compostela, 22 de maio de 2002.
Celso Currás Fernández
Conselleiro de Educación e Ordenación Universitaria
ANEXO
Provincia: Pontevedra.
Concello: Caldas de Reis.
Localidade: Caldas de Reis.
Domicilio: Fermín Mosquera, 15.
Código do centro: 36000417.
Denominación: centro privado San Fermín.
Titular: Fundación Fermín Mosquera-PP. Somascos.
Composición resultante:
a) Centro de educación infantil: 3 unidades.
b) Centro de educación primaria: 6 unidades.
c) Centro de educación secundaria:-8 unidades de educación secundaria obrigatoria.-4 unidades de bacharelato das modalidades de humanidades e ciencias sociais e tecnoloxía.
d) Centro de formación profesional específica:-1 ciclo formativo de grao medio de xestión administrativa (1 unidade para 30 alumnos).-1 ciclo formativo de grao medio de comercio (1 unidade para 30 alumnos).-1 ciclo formativo de grao medio de equipos electrónicos de consumo (2 unidades para 30 alumnos/unidade).
CONSELLERÍA DE POLÍTICA AGROALIMENTARIA E
DESENVOLVEMENTO RURAL