De conformidade coa proposta elevada pola comisión constituída para xulga-lo concurso convocado por resolución desta universidade do 17 de agosto de 2001 (BOE do 13 de setembro) para a provisión dunha praza de catedrático de universidade da área de coñecemento de filoloxía latina, do departamento de Latín e Grego da Universidade de Santiago de Compostela, a favor de Eva María Castro Caridad e tendo en conta que a interesada cumpre os requisitos ós que alude o epígrafe 2º do artigo 5 do Real decreto 1888/1984, do 26 de setembro;

Este rectorado, en uso das atribucións conferidas polo artigo 42 da Lei 11/1983, do 25 de agosto, de reforma universitaria e demais disposicións que a desenvolven, resolveu nomear a Eva María Castro Caridad catedrática de universidade da área de coñecemento de filoloxía latina, do departamento de Latín e Grego, da Universidade de Santiago de Compostela.

Santiago de Compostela, 20 de maio de 2002.

F. Darío Villanueva Prieto

Rector da Universidade de Santiago de Compostela