En cumprimento do artigo 3, capítulo II, da normativa de nomeamento de bolseiros propios a cargo de proxectos, convenios e contratos de investigación asinados pola Universidade de Santiago de Compostela aprobado en Xunta de Goberno do 15 de marzo de 1999, anúnciase a convocatoria de dúas bolsas de iniciación á investigación para colaborar en proxectos de investigación do Instituto de Ciencias da Educación desta universidade.
Os solicitantes han de ter acadado o título de licenciado en ciencias da educación e seren alumnos de terceiro ciclo.
O prazo de presentación de solicitudes será de 10 días hábiles que se contarán a partir do día seguinte á publicación no Diario Oficial de Galicia do anuncio desta resolución.
O texto íntegro da resolución atópase publicado no taboleiro de anuncios do rectorado, no taboleiro de anuncios da Oficina de Investigación e Tecnoloxía de Santiago de Compostela e Lugo.
Santiago de Compostela, 13 de maio de 2002.
P.D. (Resolución 1-2-2000, DOG do 1 de marzo)
José Ramón Leis Fidalgo
Vicerrector de Investigación