Visto o expediente para outorgamento de autorización administrativa e aprobación do proxecto de execución da instalación eléctrica que a continuación se cita.

Solicitante: Unión Fenosa Distribución, S.A.

Domicilio social: avenida de Arteixo, 171, 15007 A Coruña.

Denominación: L.M.T., C.T., R.B.T. Outeiro-Margarida.

Situación: Cabana de Bergantiños.

Descricións técnicas: ramal L.M.T. aérea a 15/20 kV de 10 m de lonxitude con conductor LA-56, que parte da L.M.T. a C.T. Margarida. Centro de transformación aéreo de 50 kVA, no lugar de Outeiro e R.B.T. de 930 m co conductor R.Z. deste mesmo trafo. R.B.T. en conductor R.Z. de 1.483 m do C.T. Margarida. Concello de Cabana de Bergantiños.

Cumpridos os trámites ordenados na Lei 54/1997, do 27 de novembro, do sector eléctrico (BOE nº 285), e no título VII, capítulo II, do Real decreto 1955/2000, do 1 de decembro (BOE nº 310), sobre autorización de instalacións de enerxía eléctrica, esta delegación provincial resolve:

Autorizar e aproba-lo proxecto de execución das devanditas instalacións, das que as características se axustarán en tódalas súas partes ás que figuran nel e ás condicións técnicas e de seguridade establecidas nos regulamentos de aplicación.

As instalacións executaranse nun prazo non superior a seis meses, contados a partir da data desta resolución.

Contra a presente resolución poderase interpoñer recurso de alzada ante o conselleiro de Industria e Comercio no prazo dun mes contado a partir do día seguinte ó da notificación desta resolución; tamén poderá interpoñer calquera outro recurso que estime pertinente ó seu dereito.

A Coruña, 29 de abril de 2002.

Jesús Espada Martínez

Delegado provincial da Coruña