O Servicio Galego de Saúde ten regulamentado o sistema de formalización de vínculos temporais do persoal das institucións sanitarias do citado organismo pola Orde de 1 de xullo de 1997 (DOG nº 138, do 18 de xullo) e pola Orde do 22 de marzo de 2000 pola que se modifican determinados preceptos da orde anterior (DOG nº 68, do 6 de abril).
As normas anteriores recollen as modalidades de nomeamentos temporais de réxime xurídico estatutario de persoal facultativo, sanitario non facultativo e non sanitario das institucións sanitarias do Servicio Galego de Saúde e os modelos de nomeamento que se utilizarán en cada tipo de vínculo temporal previsto nelas.
Por outra banda, o réxime de selección de persoal temporal regúlase polo pacto de selección publicado no DOG nº 39, do 25 de febreiro de 2000.
Con base no pacto citado a División de Recursos Humanos do Sergas publicou no DOG nº 75, do 18 de abril de 2002 o acordo da comisión central de seguimento do pacto sobre selección temporal de médico puericultor.
Tal acordo supón a modificación dos modelos de formalización de vínculos de persoal facultativo reguladas nas ordes antes citadas para formaliza-la
cobertura das prazas de pediatría por médicos xerais co diploma de puericultor.
Por todo o anterior, o conselleiro de Sanidade,
DISPÓN:
Modifica-los modelos recollidos nos anexos da Orde de 1 de xullo de 1997 nos supostos de nomeamentos temporais que se formalicen cos médicos puericultores en praza de pediatra ós que se engadirá a dilixencia seguinte:
«Dilixencia anexa ó nomeamento formalizado por D/Dna..... facultativo de medicina xeral-puericultor, para o desempeño dunha praza de pediatría efectuado con data.....
Este nomeamento esténdese con carácter excepcional, ó non posuí-lo interesado a titulación esixida e, polo tanto, será revogado cando esta praza sexa cuberta, con carácter temporal ou definitivo, por un médico especialista en pediatría».
O interesado
Asdo.:
En....., ..... de..... de.....
O director xerente
Asdo.:
Santiago de Compostela, 21 de maio do 2002.
José Mª Hernández Cochón
Conselleiro de Sanidade