Con sustentación na proposta contida na acta da sesión celebrada o 23 de maio de 2002 pola comisión seleccionadora para a adxudicación de bolsas de estadías de persoal dos departamentos de estudios galegos de universidades de fóra da Comunidade Autónoma de Galicia e a súa colaboración en proxectos de investigación que se están a desenvolver no Centro Ramón Piñeiro para a Investigación en Humanidades, segundo convocatoria anunciada pola Consellería de Educación e Ordenación Universitaria no DOG nº 62, do 1 de abril de 2002, e de conformidade co establecido na base terceira da referida orde de convocatoria, esta dirección xeral
RESOLVE:
Primeiro.-Conceder dez bolsas de estadías de persoal dos departamentos de estudios galegos de universidades de fóra da Comunidade Autónoma de Galicia e a súa colaboración en proxectos de investigación que se están a desenvolver no Centro Ramón Piñeiro para a Investigación en Humanidades, segundo se detallan no anexo á presente resolución.
Segundo.-De acordo co establecido na base segunda da convocatoria, a asignación mensual das bolsas ás que se refire o punto anterior será a recollida no anexo que se acompaña, coa retención fiscal que corresponda.
Terceiro.-Contra esta resolución poderase interpoñer recurso potestativo de reposición perante o conselleiro de Educación e Ordenación Universitaria no prazo dun mes contado a partir do día seguinte ó da súa publicación do DOG, segundo o disposto nos artigos 116 e 117 da Lei 4/1999 (BOE do 14 de xaneiro), ou ben directamente o recurso contencioso-administrativo, previsto na Lei 29/1998, do 13 de xullo, reguladora da xurisdicción contencioso-administrativa, perante o Tribunal Superior de Xustiza de Galicia, no prazo de dous meses contados
a partir do día seguinte ó da notificación desta resolución. En todo caso non se poderá interpoñer recurso contencioso-administrativo ata que sexa resolto expresamente ou se producira a desestimación presunta do recurso de reposición.
Santiago de Compostela, 4 de xuño de 2002.
Celso Currás Fernández
Conselleiro de Educación e Ordenación Universitaria
Director xeral de Política Lingüística
ANEXO
Nome e apelidos Procedencia Estadía Importe/mes
López Pereira, Sarah Ceará (Brasil) 3-6 a 31-12 721,21 A
Morales Rivera, Claudio Chile 1-6 a 30-9 721,21 A
Rodríguez Vilar, Guillermo Granada 1-7 a 31-12 510,86 A
González Fernández, Digna Barcelona 1-7 a 31-8 510,86 A
Jesús Henriques Silva, Magda Lisboa 1-7 a 31-8 601,01 A
Rey Bravo, Beatriz Vitoria 1-7 a 31-12 510,86 A
García Rivas, Mª José Madrid 1-7 a 31-12 510,86 A
Moens, Stéphane Vitoria 1-8 a 31-12 510,86 A
Faiciuc, Ioan Tubingen 20-8 a 20-12 601,01 A
Rencewicz, Kinga Polonia 1-11 a 31-12 721,21 A
