O Pleno da Corporación, en sesión do día seis de maio de dous mil dous, acordou presta-la súa aprobación inicial á proposta de modificación do escudo heráldico do Concello de Moeche, coa seguinte descrición: «De sinople (verde) unha banda engolada de ouro (amarelo) acompañada de dúas torres do mesmo. Ó timbre Coroa Real pechada». O que se expón ó público, en cumprimento do disposto nos artigos 258 e ss. da Lei 5/1997, de Administración local de Galicia e 2 e ss. do Decreto 369/1998, polo prazo dun mes, que empezará a contar desde o día seguinte ó da inserción deste anuncio no DOG co fin de que no citado prazo os

interesados poidan examina-lo expediente e presenta-las alegacións que consideren oportunas.

Moeche, 8 de maio de 2002.

Xulio Cribeiro García

Alcalde