A Comisión de Goberno na sesión do día 14 de xaneiro de 2002, aprobou inicialmente o Plan especial de reforma interior número 5 (PERI-5) de San Lázaro, promovido polo concello e redactado pola Oficina de Planeamento, S.A.

O ámbito obxecto de ordenación está comprendido entre os seguintes lindes:

Norte: terreos en ordenanza 14 anexos ó núcleo de San Lázaro.

Sur: parque Carlomagno, solo urbano da rúa do Neno, terreos do parque urbano 14 (PU-14).

Leste: terreos do solo urbanizable non programado número 6 (SUNP-6) e parcela administrativa da Xunta.

Oeste: rúa de Roma e zona verde.

En cumprimento do que dispón o artigo 42.1º da Lei 1/1997, do solo de Galicia (LSG), o expediente sométese a información pública durante o prazo dun mes, contado desde o día seguinte ó da publicación deste anuncio no Diario Oficial de Galicia. Durante este prazo os interesados poderán consulta-lo expediente nas oficinas de Planeamento e Xestión, sitas no Pazo de Raxoi, e formular por escrito as alegacións que xulguen oportunas.

Este anuncio servirá de edicto de notificación, de acordo co previsto no artigo 59.4º da Lei 30/1992, do 26 de novembro, de réxime xurídico das administracións públicas e do procedemento administrativo común (LRXAP e PAC) ós propietarios que a seguir se relacionan:

Santiago de Compostela, 20 de maio de 2002.

Luís Toxo Ramallo

Concelleiro delegado de Urbanismo