De conformidade co establecido no artigo 59.4º da Lei de réxime xurídico das administracións públicas e do procedemento administrativo común, polo presente edicto ponse en coñecemento de Patiola, S.L. titular do expediente 99/0097/CO relativo a axuda ós proxectos empresariais de investimento que contribúan á creación e mantemento de emprego estable (Orde do 7 de xullo de 1997, DOG nº 139, do 21 de xullo), que con data 3 de abril de 2002 a directora da Área de Financiamento do Igape resolveu o arquivo do expediente, por non ter achegada a documentación preceptiva para a tramitación da solicitude de axuda.
Os actos obxecto do presente anuncio non se publican na súa integridade en virtude da cautela prevista no artigo 61 da Lei 30/1992, do 26 de novembro, de réxime xurídico das administracións públicas e procedemento administrativo común. O expediente de arquivo non esgota a vía administrativa e contra este poderá interpor recurso de alzada, ante o conselleiro de Economía e Facenda, no prazo dun mes desde a publicación deste edicto no DOG. O expediente ponse de manifesto á entidade neste centro directivo sito en Santiago de Compostela, complexo administrativo San Lázaro, s/n.
Santiago de Compostela, 15 de maio de 2002.
Margarita Rodríguez Rama
Directora xeral do Instituto Galego de Promoción
Económica