Convocada a provisión, polo sistema de libre designación, de catro postos de traballo vacantes na Consellería de Educación e Ordenación Universitaria pola Orde do 19 de febreiro de 2002 (DOG nº 50, do 11 de marzo).
Esta consellería, no uso das facultades e atribucións conferidas polos artigos 15.4º e 27.2º da Lei da función pública de Galicia, e os artigos 16 e 17 do Decreto 93/1991, do 20 de marzo,
DISPÓN:
Primeiro.-Resolve-la convocatoria para a provisión, polo sistema de libre designación, de catro postos de traballo vacantes na Consellería de Educación e Ordenación Universitaria, anunciada pola Orde do 19 de febreiro de 2002.
Segundo.-Adxudicarlles destino no posto de traballo que se indica ós funcionarios que se relacionan no anexo desta orde.
Terceiro.-O cesamento no actual destino dos funcionarios que obtiveron as prazas producirase no prazo de tres días contados a partir do seguinte ó da publicación desta orde no Diario Oficial de Galicia.
A toma de posesión das prazas adxudicadas deberá realizarse no prazo dos tres días seguintes ó do cesamento, se se trata da mesma localidade na que prestan os seus servicios os funcionarios, ou no prazo dun mes se se trata de distinta localidade, conforme o establecido no artigo 14 do Decreto 93/1991, do 20 de marzo.
Cuarto.-A xefatura de persoal do centro onde causen altas os funcionarios realizará, dentro dos prazos sinalados nos puntos anteriores, as dilixencias de toma de posesión e seguidamente levaranse a cabo os trámites necesarios para a entrada en nómina.
Das dilixencias efectuadas daráse traslado, mediante fotocopia, á Dirección Xeral da Función Pública.
Contra esta orde, que pon fin á vía administrativa, os interesados poderán interpoñer potestativamente recurso de resposición perante o conselleiro de Educación e Ordenación Universitaria, no prazo dun mes contado desde o día seguinte ó da súa publicación no Diario Oficial de Galicia, de conformidade co establecido na Lei 30/1992, do 26 de novembro, na súa nova redacción dada pola Lei 4/1999, do 13 de xaneiro, ou poderán interpoñer directamente recurso contencioso-administrativo perante o xulgado do contencioso-administrativo competente no prazo de dous meses contados a partir da mesma data, segundo o establecido na Lei 29/1998, do 13 de xullo, reguladora da xurisdicción contencioso-administrativa.
Santiago de Compostela, 27 de maio de 2002.
Celso Currás Fernández
Conselleiro de Educación e Ordenación
Universitaria
ANEXO
Nº de rexistro de persoal
Denominación e código do posto Dependencia Localidade Grupo Nivel Corpo ou escala Apelidos e nome
ED.C99.10.000.15001.036
32.769.664.46.A2060
ED.C04.00.002.15770.001
76.988.558.35.A2060
ED.C05.00.002.15770.001
A47EC003680
ED.C07.00.001.15770.001
A33EC1136892368
Secretaría provincial
Delegación Provincial A Coruña A 28 Superior da Xunta Fernández Mosquera Sande, Natalia
Subdirectora xeral de Centros
Dirección Xeral de Centros e Inspección Educativa Santiago de Compostela A 30 Superior da Xunta Pérez Fernández, María Eugenia
Subdiretor xeral de Ordenación Educativa
Dirección Xeral de Ordenación Educativa e Formación Profesional Santiago de Compostela A 30 Profesor de ensino secundario Graña Carrodeguas, José
Subdirector xeral de Promoción e Ensino da Lingua Galega
Dirección Xeral de Política Lingüística Santiago de Compostela A 30 Profesor de ensino secundario Pombo Mosquera, Xosé Antonio