Entidade adxudicadora: Concello de Santiago de Compostela.
Obxecto do contrato: este contrato ten por obxecto o alleamento mediante concurso por procedemento aberto, das parcelas de titularidade municipal situadas no primeiro sector do SUNP-37 de Amio, con destino a uso industrial.
Orzamento de licitación: o tipo de licitación será o fixado, para cada parcela, no anexo I do prego de cláusulas económico-administrativas que rexe esta licitación. Neste prezo está incluído o IVE ó tipo do 16% pero non os gastos de urbanización que serán por conta dos respectivos adxudicatarios.
O tipo de licitación enténdese como mínimo, debendo realizarse as ofertas á alza.
Proposicións: lugar e prazo de presentación: deberán ser presentadas de 9 a 14 horas, no rexistro xeral do concello, no prazo de vinteseis días naturais, que comezará a contar e se entenderá aberto desde o día seguinte ó da data da derradeira das publicacións que corresponden facer no Diario Oficial de Galicia e no BOP da Coruña.
Fianza provisional: 2% do orzamento de licitación de cada unha das parcelas. En caso de optar a máis dunha parcela, constituiranse fianzas independentes para cada unha delas.
Apertura de ofertas: terá lugar na casa do concello ás 12 horas do segundo día hábil, non sábado, seguinte á finalización do prazo de presentación das proposicións.
Documentación: información: Concello de Santiago de Compostela (departamento de contratación). Teléfono 981 54 30 33. Fax: 981 57 76 27. Documentación: Copy Nova. R/ Nova de Abaixo nº 12, local 4. Santiago de Compostela. Teléfono: 981 59 23 93.
Santiago de Compostela, 13 de maio de 2002.
Xosé A. Sánchez Bugallo
Alcalde