O Pleno do Concello, en sesión do 24 de abril de 2002, adoptou o acordo seguinte:
Primeiro.-Aprobar definitivamente a modificación puntual referida, proxecto de modificación das normas de planeamento. Sector 02. Solo urbanizable industrial de Penapurreira, excluíndo, con respecto ó documento da aprobación inicial, na delimitación do sector O2-A, a porción da parcela nº 6-B, que se indica no modificado da memoria e conforme expresa o plano número 5; reestructurando o sector U.E.02, do xeito que tamén expresa o dito plan número 5, que anula e substitúe o número 3 que fora aprobado inicialmente.
Segundo.-Publicar este acordo no DOG e no BOP, incluíndo neste último as normas urbanísticas que inclúe o contido da modificación, de acordo co disposto no artigo 70.2º da Lei reguladora das bases do réxime local.
Terceiro.-Remitir á Consellería de Política Territorial, Obras Públicas e Vivenda, copia do expediente administrativo e dous exemplares dilixenciados do documento aprobado, en cumprimento do disposto no artigo 48 da Lei 1/1997, do 24 de marzo, do solo de Galicia.
Contra o expresado acordo cabe interpoñer recurso contencioso-administrativo ante a sala correspondente do Tribunal Superior de Xustiza de Galicia, no prazo de dous meses, contados a partir do día seguinte ó da súa última pulbicación (no BOP ou no DOG), se ben, previamente, e con carácter potestativo, cabe interpoñer recurso de reposición ante o Pleno do Concello no prazo dun mes. Neste caso, contra a desestimación do recurso de reposición, o prazo para interpoñe-lo recurso contencioso-administrativo será de dous meses, contado desde o día seguinte ó da notificación, ou de seis meses, contados desde a desestimación presunta, que se
entenderá producida polo transcurso dun mes desde a interposición da reposición.
As Pontes de García Rodríguez, 26 de abril de 2002.
Víctor Guerreiro Pena
Alcalde