Aprobado con carácter inicial por resolución da alcaldía, do 15 de maio de 2002, o estudio de detalle de sinalamento de aliñacións, rasantes e ordenación de volumes, de iniciativa privada, presentado por Manuel Garrido Garrido para o desenvolvemento da área de repartición 2 (PNC-2) do vixente Plan Xeral de Ordenación Municipal de Ares, na rúa da Paz, e redactado polo enxeñeiro de camiños, canles e portos, Ángel Delgado Cid, ó abeiro dos artigos 34 e 44.3º da Lei 1/1997, do 24 de marzo, do solo de Galicia, e 140 do Regulamento de planeamento urbanístico, aprobado polo Real decreto 2159/1978, do 23 de xuño, faise público:
Primeiro.-Suspéndese o outorgamento de licencias de parcelación de terreos, edificación e demolición na zona delimitada no estudio de detalle e correspondente ó PNC-2 polo prazo dun ano, aínda que a dita suspensión se extinguirá coa aprobación definitiva do estudio de detalle.
Segundo.-Sométese a información pública durante o prazo dun mes esta información inicial, mediante anuncio no Diario Oficial de Galicia, no BOP e nun xornal dos de maior tiraxe da provincia, para efectos de alegacións.
Ares, 16 de maio de 2002.
José Manuel Cendán Fernández
Alcalde-presidente