Polas ordes da Consellería da Presidencia e Administración Pública do 10 de decembro de 2001 (DOG nº 247, do 24 de decembro), e da Consellería da
Presidencia, Relacións Institucionais e Administración Pública do 15 de xaneiro de 2002 (DOG nº 17, do 27 de xaneiro), nomeáronse os membros dos tribunais que deberán cualifica-los procesos selectivos para o acceso ás categorías correspondentes ós grupos II e III do persoal laboral fixo da Xunta de Galicia.
De conformidade co establecido na base III.3 das ordes da Consellería da Presidencia e Administración Pública do 30 de xullo de 2001 (DOG nº 160, do 20 de agosto), polas que se convocaron os procesos selectivos para o acceso ás distintas categorías correspondentes ós grupos II e III do persoal laboral fixo da Xunta de Galicia, Francisco Javier Míguez Poza e Juan José Martín Álvarez, vocais titular e suplente, respectivamente, dos tribunais II-C III-E, renunciaron ós seus nomeamentos.
De acordo co anterior, e dando cumprimento á base III.4 das citadas ordes do 30 de xullo de 2001,
DISPOÑO:
Primeiro.-Nomear vocal titular dos tribunais II-C e III-E a José Miguel Formoso Sobrado en substitución de Francisco Javier Míguez Poza.
Segundo.-Nomear vocal suplente dos tribunais II-C e III-E a María Gloria López Juiz, en substitución de Juan José Martín Álvarez.
Santiago de Compostela, 28 de maio de 2002.
Jaime Pita Varela
Conselleiro da Presidencia, Relacións
Institucionais e Administración Pública