Rematado o prazo de presentación de solicitudes para o outorgamento de concesións administrativas de ocupación e utilización exclusiva de prazas de amarre nas instalacións para a náutica recreativa
do porto de Ortigueira, establecido na convocatoria publicada no Diario Oficial de Galicia nº 114, do 13 de xuño de 2001, e atopándose baleiras prazas de amarre, anúnciase, de conformidade co establecido na lexislación vixente en materia de portos, e en virtude das facultades conferidas pola Orde do 29 de xaneiro de 1996 (DOG nº 28, do 8 de febreiro), sobre delegación de competencias no presidente de Portos de Galicia, a apertura dunha nova convocatoria pública (2ª) para a presentación de solicitudes de outorgamento de concesións administrativas para ocupación e utilización exclusiva de prazas de atraque nas instalacións para a náutica recreativa no porto de Ortigueira, por período de dous (2) meses contados desde o día seguinte ó da publicación desta resolución no Diario Oficial de Galicia, que se rexerá polo prego de bases e de condicións aprobados para os efectos, que estarán á disposición dos interesados na sede central do ente público Portos de Galicia, sita na Praza de Europa,
5-A, 6º, 15707 Santiago de Compostela, e na sede da zona centro deste ente público, sita na avda. Alférez Provisional, 1-1º, 15006 A Coruña.
Ábrese, así mesmo, un prazo de vinte (20) días hábiles, contados a partir do seguinte ó da publicación deste anuncio no Diario Oficial de Galicia, para que as persoas e entidades interesadas poidan presentar por escrito na devandita sede central de Portos de Galicia as alegacións que consideren oportuno relativas a esta convocatoria.
Santiago de Compostela, 27 de maio de 2002.
Emilio García Gallego
Presidente do ente público Portos de Galicia