Dentro do plan de actividades da Escola Galega de Administración Pública para o ano 2001 e de acordo coas funcións atribuídas pola Lei 4/1987, do 27 de maio, de creación da escola, e pola Lei 10/1989, do 10 de xullo, de modificación da anterior, convócase, en colaboración co Centro de Estudios Jurídicos Superiores (Cejus), co Concello de Sada e coa Universidad da Coruña, un curso de verán sobre contratación administrativa convocatoria que se desenvolverá conforme as seguintes bases:

1. Obxectivos.

Á luz da práctica cotiá e da xurisprudencia máis recente, estudia-los métodos e regras da contratación administrativa, con especial atención nas últimas novidades aparecidas neste eido e esmiuzando o mundo das normas desta especialidade contractual.

2. Contido.

Trátanse estes temas:

-Normativa aplicable. Ámbito de aplicación subxectiva da lexislación de contratos das administracións públicas. A capacidade e a solvencia do contratista. A clasificación.

-As actuacións relativas á contratación: pregos de cláusulas administrativas xerais; actuacións preparatorias e adxudicacións de contratos. A formalización do contrato.

-As garantías na contratación administrativa tralo R.D.L. 2/2000 e o RXCAP aprobado polo R.D. 1098/2001.

-Execución dos contratos: especial referencia ó pagamento do prezo e as modificacións do contrato.

-A extinción do contrato administrativo.

-Pregos-tipo de cláusulas administrativas particulares da Xunta de Galicia.

3. Destinatarios.

Persoal ó servicio da Xunta de Galicia e da Administración local galega e interesados en xeral.

Segundo o acordo adoptado o 16 de abril de 2002 pola Comisión de Plan de Estudios da Universidade da Coruña, recoñecerase un crédito de libre con

figuración ós estudiantes da mencionada universidade que asistan con asiduidade ó desenvolvemento do citado curso de verán.

4. Desenvolvemento.

-Horario: mañá e tarde.

-Lugar e datas: o curso convocado desenvolverase no auditorio da Casa de Cultura de Sada (A Coruña), sita en avda. do Porto, s/n, da citada localidade, os días 10 e 11 de xullo de 2002.

5. Inscrición.

-Prazo: remata o luns, día 8 de xullo de 2002.

-Tramitación de solicitudes: as solicitudes irán dirixidas ó director da Escola Galega de Administración Pública, Polígono das Fontiñas, rúa de Madrid, 2-4, 15707, Santiago de Compostela, segundo o modelo que figura no anexo a esta convocatoria, e presentaranse no rexistro xeral da EGAP ou por calquera das formas previstas no artigo 38.4º da Lei 30/1992, do 26 de novembro, de réxime xurídico das administracións públicas e do procedemento administrativo común. Admitiranse tamén inscricións por telefax: 981 54 63 30.

-Número de prazas: limitado á capacidade do local.

-Inscrición fóra de prazo: só se admitirán, de quedaren prazas baleiras, coa condicións de que se cumpran os requisitos xerais antes indicados.

Os peticionarios poderán obter confirmación da súa posible admisión, chamando por teléfono, o día 9 de xullo, de 8.30 a 14.30 horas, ós seguintes números: 981 54 62 39/44 ou 981 54 60 40.

6. Modificacións.

A EGAP reserva para si a facultade de interpretar e de resolve-las incidencias que puidesen xurdir no desenvolvemento do curso, así como o de cancelalo, se o escaso número de solicitudes non xustifica a súa realización.

7. Certificación de asistencia.

Entregaráselles, ó remate deste curso, a aquelas persoas inscritas que concorresen asiduamente a él, cando a súa sexa igual ou superior ó 85% das horas lectivas programadas, e expresarase, neste documento, a natureza da actividade e as datas da súa realización.

Santiago de Compostela, 24 de maio de 2002.

Domingo Bello Janeiro

Director da Escola Galega de Administración

Pública