Coa finalidade de adxudicar destino provisional para o curso académico 2002/2003 ó profesorado sen destino definitivo dos corpos citados, convócase este concurso de acordo coas seguintes bases:
Primeira.
Convócase concurso, de acordo coas especificacións que se citan nesta resolución, para a provisión das necesidades de profesorado para o curso 2002/2003, nos centros que se relacionan nos anexos I, II, III e IV, entre o profesorado sen destino definitivo dos corpos de profesores de ensino secundario, profesores técnicos de formación profesional, profesores de escolas oficiais de idiomas, profesores de música e artes escénicas, profesores de artes plásticas e deseño e mestres de taller de artes plásticas e deseño.
Segunda.
Estarán obrigados a participar neste concurso, na súa especialidade:
a) O profesorado que resultou suprimido no proceso de adscrición regulado pola Orde do 1 de outubro de 1998 e que continúe nesa situación, agás que fixera a opción de ser recolocado na localidade na que foi suprimido.
b) O profesorado en situación de expectativa de destino que figura no anexo VI da Orde do 25 de abril de 2002, pola que se resolve definitivamente o concurso de traslados entre funcionarios docentes dos distintos corpos, que se ordenará por anos de celebración do concurso-oposición, e dentro de cada concurso-oposición polo número de orde obtido nel.
c) Os opositores que superen o procedemento selectivo de acceso e ingreso ó corpo de profesores de ensino secundario e profesores técnicos de formación profesional, convocados pola Orde do 12 de marzo de 2002 pola orde obtida no procedemento selectivo, agás os que estean exentos de realiza-la fase de prácticas e opten por continuar desempeñando servicios no seu corpo de orixe.
d) O profesorado interino, pola mesma orde que elixiron no curso académico 2001-2002.
e) O profesorado substituto, en función da orde de acceso á interinidade ou substitución.
Terceira.
Os profesores de ensino secundario poderán solicita-las seguintes prazas, de acordo coas especificacións que se conteñen nesta base:
a) As correspondentes ás especialidades das que sexan titulares, para os centros ou localidades que figuran no anexo I desta resolución e para as especialidades de:
Código Especialidade
001 Filosofía 002 Grego 003 Latín 004 Lingua castelá e literatura 005 Xeografía e historia 006 Matemáticas 007 Física e química 008 Bioloxía e xeoloxía 009 Debuxo 010 Francés 011 Inglés 012 Alemán 016 Música 017 Educación física 018 Psicoloxía e pedagoxía 019 Tecnoloxía 053 Lingua e literatura galega 056 Informática BUP 061 Economía 064 Tecnoloxía fontanería 066 Tecnoloxía industrial 101 Administración empresas 102 Análise e química industrial 103 Asesoría e procesos de imaxe persoal 104 Construccións civís e edificación 105 Formación e orientación laboral 106 Hostalería e turismo 107 Informática 108 Intervención sociocomunitaria 109 Navegación e instalacións mariñas 110 Organización e xestión comercial 111 Organización e proc. de mantemento de vehículos 112 Organización e proxectos de fabricación mecánica 113 Organización e proxectos sistemas enerxéticos 114 Procesos de cultivo acuícola 115 Procesos de producción agraria 116 Procesos na industria alimentaria 117 Procesos diagnósticos clínicos e productos ortoprotésicos 118 Procesos sanitarios 119 Procesos e medios de comunicación 120 Procesos e productos de téxtil, confección e pel 121 Procesos e productos do vidro e cerámica 122 Procesos e productos en artes gráficas 123 Procesos e productos en madeira e moble 124 Sistemas electrónicos 125 Sistemas electrotécnicos e automáticos 800 Multimedia 803 Cultura clásica
b) O profesorado interino e substituto de clásicas poderá solicitar indistintamente as prazas de latín e grego entendéndose incluída para estes participantes a cultura clásica.
Os funcionarios de carreira procedentes de extinguidas especialidades de formación profesional solicitarán as prazas das novas especialidades segundo a correspondencia establecida no anexo II d) do Real decreto 1635/1995, do 6 de outubro (BOE do 10 de outubro), polo que se adscribe o profesorado dos corpos de profesores de ensino secundario e profesores técnicos de formación profesional ás especialidades
propias da formación profesional específica e VIII d) do Real decreto 777/1998, do 30 de abril (BOE do 8 de maio), polo que se desenvolven determinados aspectos da ordenación da formación profesional no ámbito do sistema educativo, e que a continuación se relacionan.
Especialidade antigaEspecialidades novas
Tecn. administrativa e comercial-Administración de empresas.
-Organización e xestión comercial.
c) Os profesores de ensino secundario titulares das especialidades correspondentes poderán solicita-las prazas das escolas oficiais de idiomas e das escolas de artes aplicadas e oficios artísticos relacionadas nos anexos II e IV desta resolución. Para tales efectos deberán incluír na súa petición os códigos destes centros, aínda no suposto de que optaran por efectua-la súa solicitude por localidades.
d) Os titulares das especialidades de administración de empresas e procesos comerciais que posúan algunha das titulacións de licenciado en administración e dirección de empresas, licenciado en ciencias empresariais, licenciado en ciencias actuariais e financeiras, licenciado en ciencias económicas, licenciado en investigación e técnicas de mercado, diplomado en ciencias empresariais e diplomado en xestión e administración pública poderán solicitar prazas de economía. Unha vez adxudicadas as prazas ós funcionarios de carreira da especialidade de administración de empresas adxudicaranse as prazas ós funcionarios de carreira de procesos comerciais, nun número igual á diferencia entre profesores en expectativa desta especialidade e o número de vacantes desta.
e) Os profesores da especialidade de análise e química industrial unicamente poderán solicitar praza desta especialidade.
f) Os profesores da especialidade de construccións civís e edificación unicamente poderán solicitar praza desta especialidade.
g) Os profesores en prácticas da especialidade de procesos diagnósticos clínicos e productos ortoprotésicos unicamente poderán pedir praza desta especialidade.
h) Os profesores interinos da especialidade de procesos sanitarios poderán pedir prazas das especialiades de procesos diagnósticos clínicos e productos ortoprotésicos e procesos sanitarios. Para os efectos da adxudicación de prazas no curso académico 2003-2004, figurarán na lista de interinos da especialidade na que resulten con adxudicación de praza neste curso académico. No suposto de non resultar con adxudicación de praza efectuarán opción de lista para o próximo curso académico.
i) Os profesores en prácticas e interinos da especialidade de procesos de producción agraria soamente poderán solicitar praza desta especialidade.
k) Os profesores en prácticas e interinos da especialidade de procesos na industria alimentaria unicamente poderán solicitar praza desta especialidade.
l) Os profesores interinos da especialidade de sistemas electrotécnicos e automáticos poderán solicitar praza desta especialidade e da de organización e proxectos de sistemas enerxéticos para os efectos de adxudicación de prazas no curso académico 2003-2004 resultará de aplicación o establecido na letra h) da base terceira.
Cuarta.
Os profesores do corpo de profesores técnicos de formación profesional poderán solicita-las seguintes prazas, de acordo coas especificacións que se conteñen nesta base; sen prexuízo do establecido para a especialidade de procesos comerciais no punto anterior.
a) Prazas correspondentes ás especialidades das que sexan titulares, para os centros ou localidades que figuran no anexo I, e para as especialidades de:
Código Especialidade
021 Taller de vidro e cerámica 030 Prácticas protésico dental 031 Prácticas hixienista dental 033 Prácticas e actividades 201 Cociña e pastelería 202 Equipos electrónicos 203 Estética 204 Fabricación e instalación de carpintería e moble 205 Instalación e mantemento de equipos térmicos e de fluídos 206 Instalacións electrotécnicas 207 Instalacións e equipos de cría e de cultivo 208 Laboratorio 209 Mantemento de vehículos 210 Máquinas, servicios e producción 211 Mecanizado e mantemento de máquinas 212 Oficina de proxectos de construcción 213 Oficina de proxectos de fabricación mecánica 214 Operacións e equipos de elaboración de productos alimentarios 215 Operación de procesos 216 Operacións de producción agraria 217 Patronaxe e confección 218 Perruquería 219 Procedementos de diagnóstico clínico e ortoprotésico 220 Procedementos sanitarios e asistenciais 221 Procesos comerciais 222 Procesos de xestión administrativa 223 Producción de artes gráficas 224 Producción téxtil e tratamentos físico químicos 225 Servicios á comunidade 226 Servicios de restauración 227 Sistemas e aplicacións informáticas 228 Soldadura 229 Técnicas e procedementos de imaxe e son 230 Fontanería 240 Linguaxe de signos
Os funcionarios de carreira procedentes de extinguidas especialidades do corpo de profesores técnicos de formación profesional solicitarán as prazas das novas especialidades segundo a correspondencia establecida no anexo IV.c) do Real decreto 1635/1995, do 6 de outubro (BOE do 10 de outubro), polo que se adscribe o profesorado dos corpos de profesores de ensino secundario e profesores técnicos de formación profesional ás especialidades propias da formación profesional específica e VIII b) do Real decreto 777/1998, do 30 de abril, polo que se desenvolven determinados aspectos da ordenación da formación profesional no ámbito do sistema educativo, e que a continuación se relacionan.
Especialidade antigaEspecialidades novas
Práct. administrativas e comerciais-Proc. de xestión administrat.
-Proc. comerciais.
b) Os profesores en prácticas da especialidade de instalacións e mantemento de equipos térmicos e fluí
dos unicamente poderán pedir prazas desta especialidade.
c) Os profesores en expectativa da especialidade de instalacións electrotécnicas unicamente poderán pedir praza desta especialidade.
d) Os profesores interinos e substitutos da especialidade de instalacións electrotécnicas poderán pedir praza desta especialidade e da de instalacións e mantemento de quipos térmicos e fluídos. Para os efectos de adxudicación de praza no curso académico 2003-2004, resultará de aplicación o establecido na letra h) da base terceira.
No suposto de que continúen quedando vacantes de instalacións e mantemento de equipos térmicos e fluídos, unha vez adxudicados os destinos provisionais os profesores en prácticas desta especialidade e os interinos e substitutos de instalacións electrotécnicas, adxudicaránselles ós interinos de máquinas, servicios e producción que non obtiveran praza.
e) Os profesores en expectativa de mecanizado e mantemento de máquinas unicamente poderán solicitar prazas da súa especialidade.
f) Os profesores en expectativa de destino da especialidade de oficina de proxectos de construcción unicamente poderán solicitar praza desta especialidade.
g) Os profesores interinos e substitutos da especialidade de oficina de proxectos de fabricación mecánica unicamente poderán pedir vacantes desta especialidade.
h) Os profesores en expectativa da especialidade de procedementos de diagnóstico clínico e ortoprotésico poderán solicitar prazas das especialidades de procedementos de diagnóstico clínico e ortoprotéxico e de procedementos sanitarios e asistenciais.
i) Os profesores interinos da especialidade de procedementos sanitarios e asistenciais poderán solicitar prazas das especialidade de procedementos de diagnóstico clínico e ortoprotésico e de procedementos sanitarios e asistenciais. Para os efectos de adxudicación de prazas no curso académico 2003-2004, resultará de aplicación o establecido na letra h) da base terceira.
k) Os profesores en expectativa de destino da especialidade de estética poderán solicitar prazas das especialidade de perruquería e estética.
l) Os profesores interinos e substitutos que figuran na especialidade de estética dividiranse nas especialidades de perruquería e de estética, en función do título que posúan. Para tales efectos, xuntaranlle á solicitude o título correspondente.
m) Os profesores da especialidade de operacións de producción agraria unicamente poderán solicitar prazas desta especialidade.
n) Se unha vez adxudicadas as prazas ós especialistas de operacións e equipos de elaboración de productos alimentarios continuasen quedando vacantes, serán ofertadas ós profesores que, se é o caso, quedaran sen adxudicación da especialidade de procesos
na industria alimentaria. No suposto de acepta-la praza, quedarán para as listas do próximo curso na especialidade de operacións e equipos de elaboración de productos alimentarios.
Quinta.
Os profesores de ensino secundario e profesores técnicos de formación profesional que soliciten localidades entenderase que solicitan tódolos centros da localidade, incluídos no anexo I, pola orde que se publican nesta resolución. Se piden a localidade con afíns, entenderase que solicitan con prioridade tódolos centros desta sen afíns e, posteriormente, con afíns. Se desexan solicitar centros doutros anexos deberán especifica-la petición co código do centro.
Os profesores de ensino secundario e profesores técnicos de formación profesional que soliciten centros específicos de adultos, entenderase que piden, se é o caso, ámbitos de coñecemento, adxudicándose a praza na especialidade que figure no primeiro lugar.
Sexta.
Os profesores de escolas oficiais de idiomas, de acordo coas especialidades de que sexan titulares, poderán solicita-las prazas dos centros que aparecen no anexo II e para as especialidades de:
Código Especialidade
001 Alemán 002 Árabe 006 Español para estranxeiros 008 Francés 009 Galego 011 Inglés 012 Italiano 015 Portugués 017 Ruso
Sétima.
Os profesores de música e artes escénicas, de acordo coas especialidades das que sexan titulares, poderán solicita-las prazas dos centros que aparecen no anexo III e para as especialidades de:
Códigos Especialidades
401 Acordeón 402 Arpa 403 Canto 404 Clarinete 405 Clave 406 Contrabaixo 407 Coro 408 Fagot 409 Flabiol i tambori 410 Frauta traveseira 411 Frauta de pico 412 Fundamentos de composición 413 Gaita galega 414 Guitarra 415 Guitarra flamenca 416 Historia da música 417 Instrumentos de corda pulsada do renacemento e do barroco 418 Instrumentos de puga 419 Óboe 420 Órgano 421 Orquestra 422 Percusión 423 Piano 424 Saxofón 425 Tenora i tible 426 Trombón 427 Trompa 428 Trompeta 429 Tuba
Códigos Especialidades
431 Viola 432 Viola da gamba 433 Violín 434 Violoncello 435 Danza española 436 Danza clásica 437 Danza contemporánea 438 Flamenco 439 Historia da danza 440 Acrobacia 441 Canto aplicado á arte dramática 442 Caracterización e indumentaria 443 Danza aplicada á arte dramática 444 Dicción e expresión oral 445 Dirección escénica 446 Dramaturxia 447 Esgrima 448 Espacio escénico 449 Expresión corporal 450 Iluminación 451 Interpretación 452 Interpretación con obxectos 453 Interpretación no musical 454 Interpretación no teatro do xesto 455 Literatura dramática 456 Técnicas escénicas 457 Técnicas gráficas 458 Teoría e historia da arte 459 Teoría teatral 460 Linguaxe musical
Para a adxudicación de determinadas prazas nas que se vai imparti-lo grao superior das ensinanzas de música reguladas na sección primeira, capítulo I, do título II da LOXSE, poderá esixirse estar en posesión do título, superior de música ou equivalente do instrumento correspondente, segundo o artigo 1 do Real decreto 1542/1994, do 8 de xullo. Para estes efectos, os solicitantes xuntaranlle á petición copia do título correspondente.
Oitava.
Os profesores de artes plásticas e deseño, de acordo coas especialidades das que sexan titulares, poderán solicita-las prazas dos centros que aparecen no anexo IV e para as seguintes especialidades:
Código Especialidade
006 Dereito usual e nocións de contabilidade e correspondencia comercial 009 Debuxo artístico 010 Debuxo lineal 013 Historia da arte 016 Matemáticas 018 Modelado e baleirado 033 Técnicas audiovisuais 034 Técnicas de deseño gráfico 035 Técnicas gráficas industriais 037 Teoría e prácticas do deseño 038 Proxecto e deseño interiores 040 Xemoloxía
Novena.
Os mestres de taller de artes plásticas e deseño, de acordo coas especialidades das que sexan titulares, poderán solicita-las prazas dos centros que aparecen no anexo IV e para as seguintes especialidades:
Código Especialidade
006 Cerámica artística 008 Decoración 012 Delineación 013 Debuxo publicitario 015 Deseño de figurinos 016 Dourado e policromía 021 Esmaltes 023 Forxa 027 Fotografía artística
Código Especialidade
028 Fotografía e procesos de reproducción 029 Gravado 041 Metalistería artística 047 Ourivería 050 Química aplicada á cerámica 052 Repuxado en metal 058 Talla en madeira 060 Talla en pedra e madeira 063 Técnicas de xoiería 065 Baleirado e moldeado 066 Proxecto e deseño de interiores 067 Taller do moble 097 Serigrafía 107 Deseño gráfico asistido por ordenador
Décima.
1. Os participantes deberán manifestar na instancia de solicitude aquelas disciplinas afíns coas que desexan completar, se é o caso, horario.
2. De existir nun centro máis dunha vacante da mesma especialidade, unha delas cun horario completo e outra para completar con materias afíns, adxudicarase en primeiro lugar a praza ou prazas que teñan horario completo da especialidade pola que se participa.
3. O profesorado poderá solicitar un mesmo centro ou localidade con horario completo da súa especialidade e con materias afíns, na orde que coide conveniente. Para estes efectos deberanse repeti-los códigos dos centros nos que se dea a circunstancia, poñendo unha cruz (x) no recadro da dereita da solicitude (A) que fai referencia a materias afíns. Cando se pretende solicitar un centro primeiro sen materias afíns e inmediatamente despois con materias afíns terán que trascribi-lo código do centro unha soa vez, poñendo unha cruz (x) no recadro da dereita da solicitude. Na adxudicación terá prioridade a petición de centro ou localidade sobre a orde das materias afíns.
O profesorado poderá excluír da súa solicitude a petición de destinos de centros compartidos, sinalándoo no recadro correspondente da instancia.
Décimo primeira.
1. A orde de adxudicación dos destinos provisionais será por colectivos preferentes, conforme o previsto na base segunda.
2. Os profesores, interinos e substitutos que soliciten prazas da súa especialidade sen completar horario con ningunha outra materia, de non corresponderlles ningunha destas prazas, pasarán a formar parte da lista para posibles novas necesidades de interinidades ou substitucións. Ós profesores en expectativa de destino e en prácticas adxudicaráselles destino de oficio.
3. Ós profesores que solicitando prazas da súa especialidade completen o horario con outras materias, de non corresponderlles praza na súa especialidade adxudicaráselles praza noutra materia das indicadas como afíns, se existise vacante, unha vez colocados os colectivos sinalados nas letras a), b), c), d) e e) da base segunda desta resolución.
4. Ó profesorado substituto unicamente poderá adxudicárselle praza da súa especialidade con ou sen materias afíns segundo a solicitude.
Décimo segunda.
As prazas das escolas oficiais de idiomas e das escolas de artes aplicadas e oficios artísticos que queden vacantes, unha vez resolto o concurso entre os funcionarios en expectativa de destino, funcionarios en prácticas e, se é o caso, interinos, dos corpos correspondentes, seranlles adxudicadas ós profesores de ensino secundario, da respectiva especialidade que as solicitasen.
Décimo terceira.
Cando concorran a prazas de materias afíns profesores de distinta especialidade a orde de prioridade na adxudicación virá determinada pola pertenza a un colectivo preferente, de acordo coa base segunda desta resolución. No suposto de que pertenzan ó mesmo colectivo a orde será determinada pola data máis antiga de acceso á prestación de servicios como interino ou substituto. De coincidi-la mesma data de acceso a un posto de traballo na función pública docente, desempatarase por orde alfabética, iniciándose polo apelido coa letra S.
Décimo cuarta.
En virtude do establecido no punto 2º do artigo 5 da Lei de funcionarios civís do Estado, segundo a redacción dada polo artigo 54 da Lei 24/2001, do 27 de decembro, de medidas fiscais, administrativas e da orde social, os funcionarios interinos cesarán na praza adxudicada no suposto de que se incorpore o titular desta e, en calquera caso, o 16 ou 30 de setembro de 2003, segundo o calendario escolar. Para estes efectos, a Dirección Xeral de Persoal poderá establecer, logo de comunicación ás organizacións sindicais con representación na mesa sectorial docente non universitaria, que determinadas vacantes soamente poderán ser cubertas por profesorado interino ou substituto.
Décimo quinta.
Excepcionalmente, cando non se poida completa-lo horario da xornada de traballo con horas doutra especialidade no centro ou completa-lo horario noutro CPI ou IES, a Consellería de Educación e Ordenación Universitaria poderá ofertar prazas de interinidades a tempo parcial, que en ningún caso será inferior a media xornada.
Estas prazas ofertaranse despois de realizada a adxudicación definitiva, sen que sexa preceptiva a súa aceptación.
Décimo sexta.
1. Con carácter previo á adxudicación das prazas deste concurso a Consellería de Educación e Ordenación Universitaria procederá a resolve-las peticións de reingreso no servicio activo solicitados con anterioridade ó 3 de setembro de 2002.
2. Así mesmo, con carácter previo á adxudicación destas prazas deberá terse rematado a adscrición funcional regulada polas instruccións da Dirección Xeral de Persoal do 4 de xullo de 2000.
3. Así mesmo, con carácter previo á adxudicación destas prazas procederase á adscrición provisional daqueles profesores que, tendo destino definitivo,
deban ser desprazados provisionalmente por falta de horario no seu centro de destino, depois de cumprírense tódolos criterios para determina-los cadros de persoal dos IES e CPI establecidos no acordo entre a consellería e as centrais sindicais ANPE, CC.OO. e CSI-CSIF, asinado o 21 de xullo de 1998, de acordo coas seguintes normas:
a) A adscrición provisional de efectivos dentro da mesma localidade efectuarase por resolución do delegado provincial da Consellería de Educación e Ordenación Universitaria, por proposta da Inspección Educativa. No suposto de que o funcionario que se vai desprazar teña a posibilidade de ir prestar servicios en máis dun centro, por existir vacante da súa especialidade, será desprazado ó que el determine.
b) A adscrición provisional para unha localidade distinta dentro da mesma provincia de destino efectuarase por resolución do delegado provincial da Consellería de Educación e Ordenación Universitaria, por proposta da Inspección Educativa, logo de conformidade do interesado.
c) A adscrición provisional a un centro situado en provincia distinta da de orixe será efectuado pola Dirección Xeral de Persoal, por proposta dos delegados provinciais, logo do informe da inspección educativa e da conformidade do interesado.
d) Cando varios profesores soliciten voluntariamente seren adscritos a outro centro por falta de horario no seu centro de destino definitivo, aplicaranse sucesivamente os seguintes criterios de prioridade:
1. Prestar servicios na mesma localidade.
2. Prestar servicios na mesma provincia.
3. Data da toma de posesión. Se a data da toma de posesión é a mesma daráselle prioridade ó número de rexistro de persoal máis baixo ou mellor número de oposición, segundo os casos. Se concorresen á mesma praza funcionarios procedentes de distintos corpos, anteriores á entrada en vigor da LOXSE, efectuarase un sorteo para determina-la preferencia.
Décimo sétima.
1. O prazo de presentación de solicitudes será de vinte días naturais contados desde o día seguinte ó da publicación da presente resolución no Diario Oficial de Galicia.
Para os opositores que superen o procedemento selectivo convocado pola Orde do 12 de marzo de 2002, o prazo será de cinco días naturais contados desde o día seguinte ó da publicación da lista de aprobados polos tribunais.
Os opositores mencionados no parágrafo anterior que xa fixeran a súa solicitude pola súa condición de interinos ou substitutos poderán acollerse a presentar no mesmo prazo e lugar mencionados anteriormente o documento que se xunta como anexo V.
Tódolos interesados poderán acollerse á solicitude formulada no curso académico anterior ou introduci-las modificacións que consideren oportunas a través da páxina web da Dirección Xeral de Persoal ou presentando a instancia que figura como anexo VII desta resolución.
No caso de utilización da páxina web da Dirección Xeral de Persoal, imprimirase a petición que poderá ser presentada no propio centro educativo no que se presta servicios. Neste caso, o centro procederá a remitirlle a solicitude á Dirección Xeral de Persoal da Consellería de Educación e Ordenación Universitaria, San Caetano s/n, Santiago de Compostela.
2. A solicitude formulada servirá para os cursos vindeiros sen que se teña que facer nova petición. O profesorado que desexe efectuar algunha modificación da súa petición inicial realizarao a través da páxina web da Dirección Xeral de Persoal, da forma que se determine.
3. Os profesores que superen os procedementos selectivos convocados noutra comunidade autónoma comunicarano á Dirección Xeral de Persoal para os efectos da súa exclusión na adxudicación da praza.
Décimo oitava.
1. Sen prexuízo do establecido no punto 1 da base anterior, os profesores que non utilicen a páxina web ou o anexo VII, farán as solicitudes, segundo o modelo oficial que estará á disposición dos interesados nas delegacións provinciais, presentándoas, por duplicado, orixinal e fotocopia, na Consellería de Educación e Ordenación Universitaria, nas súas delegacións provinciais ou en calquera das dependencias ás que alude o artigo 37.4º da Lei 30/1992, do 26 de novembro, de réxime xurídico das administracións públicas e do procedemento administrativo común.
2. Nas solicitudes deberanse consigna-los centros ou localidades que se solicitan por orde de preferencia, cos números de código que figuran nos anexos desta resolución.
Cando non exista concordancia entre os dous exemplares da solicitude de prazas, terá validez a que sexa obxecto de tratamento informático. Calquera erro no número de código determinará que se anule a petición, se non corresponde a ningún centro existente.
3. Cando se soliciten prazas de máis dunha especialidade, de acordo coas bases desta convocatoria, deberanse repeti-los códigos dos centros ou localidades nos que se desexe obter praza, indicando no recadro da dereita da instancia o código da especialidade.
Décimo novena.
1. Non poderán participar neste concurso os profesores que teñan concedida unha comisión de servicios ou unha adscrición a un posto de traballo para o curso académico 2002/2003.
2. Aqueles profesores ós que, participando no concurso convocado por esta resolución, se lles conceda posteriormente unha comisión de servicios ou adscrición deberán remitir renuncia ó concurso, dirixida á Dirección Xeral de Persoal da Consellería de Educación e Ordenación Universitaria.
Vixésima.
1. O día 17 de xuño de 2002, a Dirección Xeral de Persoal procederá a publica-las relacións de persoal, por especialidades e orde de adxudicación de
prazas nas delegacións provinciais da Consellería de Educación e Ordenación Universitaria.
2. Publicadas as relacións de persoal, ábrese un prazo de dez días naturais para presentar reclamacións.
3. Resoltas as reclamacións, a Dirección Xeral de Persoal procederá á adxudicación das prazas e facer pública a resolución provisional do concurso nas delegacións provinciais da Consellería de Educación e Ordenación Universitaria durante o mes de xullo. Nas especialidades que hai convocatoria de concurso-oposición adxudicaráselles praza provisional soamente ós profesores en expectativa de destino.
4. Os concursantes poderán presentar reclamacións á resolución provisional, na Consellería de Educación e Ordenación Universitaria ou nas súas delegacións provinciais, ata o 4 de setembro de 2002.
5. Resoltas as incidencias ás que se refire o punto anterior procederase a efectua-la resolución definitiva e a súa publicación na Consellería de Educación e Ordenación Universitaria e nas súas delegacións provinciais.
Nas especialidades que impartan docencia na formación profesional específica, conservatorios e artes plásticas e deseño, a adxudicación poderá realizarse sobre o 26 de setembro de 2002.
Vixésima primeira.
O profesorado tomará posesión na unidade de persoal da delegación provincial da Consellería de Educación e Ordenación Universitaria da provincia de destino, e incorporarase ó centro con efectividade económica e administrativa da data fixada para o comezo de curso, agás no suposto de que o nomeamento ou toma de posesión se efectúe con posterioridade.
Vixésimo segunda.
Os participantes nos procedementos selectivos convocados pola Orde do 12 de marzo de 2002, que non estean incluídos nas listas dos aspirantes que superaron estes, nin nas letras d) ou e) da base segunda desta resolución serán incluídos nas relacións de aspirantes para desempeñar prazas de interinidades ou substitucións, sempre que estean en posesión da titulación que se relaciona para cada especialidade no anexo VI. Estarán exceptuados deste requisito de titulación os aspirantes que superen o primeiro dos exercicios da fase de oposición.
Este colectivo ordenarase para efectos de prioridade na elección por especialidades e dentro de cada especialidade por bloques, de acordo co número de exercicios superados; dentro destes bloques pola puntuación resultante da fase de concurso e oposición, unha vez realizada a ponderación prevista no Real decreto 850/1993, do 4 de xuño.
Santiago de Compostela, 21 de maio de 2002.
Severino Somoza Gómez
Director xeral de Persoal
ANEXO V
Don/a
co DNI e domicilio para efectos
de notificación na rúa
CP localidade
provincia teléfono
Expón:
Que de conformidade coa resolución da Dirección Xeral de Persoal da Consellería de Educación e Ordenación Universitaria do 21 de maio de 2002, solicitou praza como
p Interino
p Substituto
No corpo de ,
especialidade de
Que superou o procedemento selectivo de acceso e ingreso ó corpo de profesores de ensino secundario/profesores técnicos de formación profesional (rísquense os corpos que non procedan) convocado pola Orde do 12 de marzo de 2002 na especialidade de ,
polo que solicita que a súa petición sexa tramitada conforme a base décimo sétima da resolución mencionada.
..., ... de ... 2002.
Asdo.: ....
Director xeral de Persoal da Consellería de Educación
e Ordenación Universitaria
ANEXO VI
Especialidade Titulacións
Licenciado en xeografía e historia, especialidade musicoloxía
Diplomados nas escolas universitarias de psicoloxía ata 1974
Arquitecto
Licenciado en:-Ciencias físicas-Ciencias químicas-Ciencias-Mariña civil
Enxeñeiro técnico
Arquitecto técnico
Diplomado na Mariña Civil
Diplomado en:-Ciencias empresariais-Relacións laborais-Traballo social-Educación social-Xestión e administración pública
Xeografía e historia Licenciado en:-Xeografía e historia-Humanidades
Matemáticas Licenciado en matemáticas
Francés Licenciado en filoloxía francesa
Música Título superior de música ou equivalente, segundo o Real decreto 1542/1994, do 8 de xullo
Psicoloxía e pedagoxía Licenciado en:-Psicoloxía -Filosofía e ciencias da educación (espec. psicoloxía ou ciencias da educación)-Filosofía e letras (espec. pedagoxía ou pisocoxía)
Tecnoloxía Enxeñeiro
Formación e orientación laboral Licenciado en:-Ciencias económicas-Ciencias empresariais-Dereito-Psicoloxía-Socioloxía
Hostalería e turismo Diplomado en turismo
Especialidade Titulacións
Enxeñeiro técnico en:-Informática de xestión-Informática de sistemas
Tódalas titulacións superiores das anteriormente citadas
Enxeñeiro superior en telecomunicacións
Diplomado en máquinas navais
Tódalas titulacións superiores das anteriormente citadas
Licenciado en físicas, especialidade electrónica
Tódalas titulacións superiores das anteriormente citadas
Diplomado en radiolectrónica naval
Tódalas titulacións superiores das anteriormente citadas
Diplomado en radiolectrónica naval
Tódalas titulacións superiores das anteriormente citadas
Técnico superior en restauración
Enxeñeiro:-Industrial-Montes-Materiais
Enxeñeiro técnico en:-Deseño industrial-Industrial, especialidade mecánica-Forestal, especialidade en industrias forestais ou en explotacións forestais
Técnico superior en producción de madeira e moble
Diplomado en máquinas navais
Tódalas titulacións superiores das anteriormente citadas
Licenciado en físicas, especialidade electrónica
Enxeñeiro técnico:-Industrial, especialidade en mecánica-Aeronáutico en tódalas súas especialidades-Naval, especialidade en propulsión e servicios do buque-Agrícola, en tódalas súas especialidades-Minas, especialidade en instalacións electromecánicas mineiras
Tódalas titulacións superiores das anteriormente citadas
Técnico superior en automoción
Enxeñeiro técnico:-Informática de xestión-Informática de sistemas-Telecomunicación en tódalas súas especialidades
Informática Diplomado en estatística
Organización e proxectos de sistemas enerxéticos Enxeñeiro técnico:-Industrial en tódalas súas especialidades-Aeronáutico, en tódalas súas especialidades-Obras públicas, en tódalas súas especialidades-Telecomunicación en tódalas súas especialidades-Naval en tódalas súas especialidades-Agrícola en tódalas súas especialidades-Minas en tódalas súas especialidades
Procesos de producción agraria Enxeñeiro técnico:-Agrícola en tódalas súas especialidades-Forestal en tódalas súas especialidades
Procesos na industria alimentaria Enxeñeiro técnico agrícola especialidade en industrias agrarias e alimentarias
Procesos de diagnóstico clínico e productos ortoprotésicos Licenciado en medicina e cirurxía
Sistemas electrónicos Enxeñeiro técnico:-Industrial especialidade electricidade ou electrónica industrial-Aeronáutico especialidade aeronavegación-Informática de sistemas-Telecomunicación en tódalas súas especialidades
Sistemas electrotécnicos e automáticos Enxeñeiro técnico:-Industrial especialidade electricidade ou electrónica industrial-Aeronáutico especialidade aeronavegación-Informática de sistemas-Telecomunicación en tódalas súas especialidades
Cociña e pastelería Técnico especialista en hostalería
Fabricación e instalación e carpintería e moble Arquitecto
Instalacións e mantemento de equipos térmicos e fluídos Enxeñeiro técnico:-Industrial en tódalas súas especialidades-Aeronáutico, en tódalas súas especialidadaes-Obras públicas, en tódalas súas especialidades-Telecomunicación en tódalas súas especialidades-Naval en tódalas súas especialidades-Agrícola en tódalas súas especialidades-Minas en tódalas súas especialidades
Mantemento de vehículos Diplomado en máquinas navais
Sistemas e aplicacións informáticas Enxeñeiro:-Informática-Telecomunicación
ANEXO VII
Don/a
co DNI e domicilio para efectos
de notificación na rúa
CP localidade
provincia teléfono
Expón:
Que de conformidade coa resolución da Dirección Xeral de Persoal da Consellería de Educación e Ordenación Universitaria do 6 de xuño de 2001, solicitou praza como
p Interino
p Substituto
No corpo de ,
especialidade de
Que de conformidade coa base décimo sétima, punto primeiro da Resolución do 21 de maio de 2002, acóllome á instancia presentada para o curso 2001-2002, corpo,
disciplina
..., ... de ... 2002.
Asdo.: ....
Director xeral de Persoal da Consellería de Educación
e Ordenación Universitaria
