De conformidade co disposto no artigo 59.4º da Lei 30/1992, de réxime xurídico das administracións públicas e do procedemento administrativo común, do 26 de novembro, notifícaselle á persoa que a continuación se relaciona o acordo de inicio do expediente sancionador instruído pola Delegación Provincial de Sanidade da Coruña, por incumprimento da Lei 14/1986, xeral de sanidade, do 25 abril, e o R.D. 1945/1983, do 22 de xuño, polo que se regulan as infraccións e sancións en materia de defensa do consumidor.
A partir do día seguinte á publicación deste acordo, en virtude do disposto no artigo 16.1º do R.D. 1398/1993, do 4 de agosto, regulamento para o exercicio da potestade sancionadora, dispón do prazo de 15 días para presentar alegacións, e no caso de non presentalas segundo o artigo 13.2º do dito Regulamento 1398/1993, o inicio poderá considerarse proposta de resolución.
Expediente sancionador: Secretaría 69/2002.
Denunciado: Andrés Goraliza e Hijos, S.L.
Último enderezo coñecido: San Vicente de Paúl, 17, A Coruña.
Cualificación da infracción: leve.
Importe da sanción: noventa euros con quince céntimos.
A Coruña, 16 de abril de 2002.
Mª Blanca García Varela
Delegada provincial da Coruña