O Consello da Xerencia Municipal de Urbanismo, en sesión do 21 de marzo de 2002, acordou aprobar inicialmente o proxecto de estatutos das entidades urbanísticas colaboradoras de conservación dos cuarteiróns X e Y das unidades de execución I e II do PERI I-07 Hispanidade-aba do Castro.
Sométese este expediente ó trámite de información pública polo prazo de vinte días, mediante publicación do acordo no DOG, e dos estatutos, coas correccións sinaladas no acordo, no BOP e taboleiro de anuncios da Xerencia Municipal de Urbanismo, segundo o establecido no artigo 102 da Lei 1/1997, do 24 de marzo, do solo de Galicia. O prazo de exposición pública entenderase aberto desde a primeira publicación ata o remate dos vinte días, contados desde o último anuncio.
A documentación deste expediente atópase ó dispor do público en xeral na Oficina de Información Urbanística, na planta baixa da xerencia.
Este anuncio servirá de notificación, nos termos establecidos nos artigos 59.4º da Lei 30/1992, do 26 de novembro, de réxime xurídico das administracións públicas e do procedemento administrativo común, modificada pola Lei 4/1999, do 13 de xaneiro, para todos e todas aqueles/as interesados/as directamente afectados/as que, por resultaren descoñecidos/as ou por se ignora-lo seu domicilio, non poidan ser notificados/as persoalmente.
Vigo, 3 de abril de 2002.
Lois Pérez Castrillo
Alcalde presidente da Xerencia Municipal
de Urbanismo