O Pleno da Corporación, en sesión con data do 25 de abril de 2002, acordou por unanimidade aprobar inicialmente o Plan Xeral de Ordenación Municipal do Concello do Pino, o que se expón ó público polo prazo dun mes para a presentación de reclamacións e suxestións. O documento completo atópase na secretaría do concello, onde pode ser examinado en horario de oficina.
Na mesma sesión e en cumprimento do disposto na Lei do solo de Galicia acordouse tamén a suspensión do outorgamento de licencias de parcelación, construcción e demolición, en todo o termo municipal ata a aprobación definitiva do planeamento.
O Pino, 26 de abril de 2002.
O alcalde
Rubricado