O Pleno Municipal, en sesión extraordinaria con data do 12 de marzo de 2002, por maioría absoluta legal, acordou a aprobación inicial da modificación puntual das normas subsidiarias de planeamento de Burela, relativa á apertura dunha nova vía de acceso ó porto, de acordo co proxecto elaborado por CIISA, Consulting e Ingeniería Internacional, S.A.
Polo que, en cumprimento do disposto no artigo 42 da Lei 1/1997, do 24 de marzo, do solo de Galicia, se somete a información pública a documentación integrante do expediente polo prazo dun mes contado desde a publicación deste anuncio no Diario Oficial de Galicia, co fin de que os interesados a poidan examinar na secretaría do concello, e presenta-las alegacións que coiden oportunas mediante escrito dirixido á alcaldía.
De conformidade co disposto no artigo 34 da Lei 1/1997, do 24 de marzo, do solo de Galicia, o acordo de aprobación inicial determinará a suspensión do procedemento de outorgamento de licencias de parcelación de terreos, edificación e demolición no
ámbito territorial das modificacións de referencia, definido:
Tramo 1: desde a intersección do novo trazado con CN-642 (zona Perdouro), ata a ponte do Perdouro, en sentido leste, e delimitada esta área en sentido norte, por FEVE ata a súa intersección con vía de novo trazado.
Tramo 2: delimitado por FEVE, desde a súa intersección con vía de novo trazado ata camiño da Limosa (zona Campón), e en sentido norte ata zona portuaria, e delimitada esta área en sentido nordés, por zona marítimo-terrrestre.
A dita suspensión terá unha duración máxima dun ano e, en calquera caso, extinguirase coa aprobación definitiva da citada modificación.
Burela, 17 de abril de 2002.
Manuel Mon Rouco
Alcalde