Convocado o concurso público nº 19/2001 para a contratación do servicio de seguridade e vixilancia do Complexo Hospitalario de Ourense, e á vista das actuacións practicadas de conformidade coa lexislación vixente, esta xerencia xeral en virtude das atribucións que lle foron delegadas conforme o establecido no artigo único, letra i) da Orde do 18 de marzo de 1999 (DOG nº 58, do 25 de marzo), da Consellería de Sanidade e Servicios Sociais, modificada pola do 23 de marzo de 2000 (DOG nº 103, do 29 de maio),
RESOLVE:
Primeiro.-Adxudica-la contratación do servicio de seguridade e vixilancia do Complexo Hospitalario de Ourense, de acordo coa proposta da mesa de contratación efectuada en sesión celebrada o 27 de marzo de 2002, á:
Empresa: Serramar Vigilancia y Seguridad, S.L. (NIF B-11066586).
Enderezo: Estrella, 4-8, entlo. A, Monforte de Lemos (Lugo).
Segundo.-O importe de contrato é de oitocentos dezaseis mil cento setenta e catro euros con corenta e catro céntimos (816.174,44 A), IVE incluído, para o período total da súa execución.
Terceiro.-A vixencia do contrato fíxase por un período de 2 anos, contados desde a data da súa sinatura.
Cuarto.-Previamente á formalización do contrato, a empresa adxudicataria deste servicio está obrigada a constituír unha fianza definitiva do 4% do importe de adxudicación, así como ó resto das obrigas, na forma e contía sinaladas nos pregos de cláusulas administrativas particulares e de prescricións técnicas que rexiron neste concurso.
Ourense, 1 de abril de 2002.
Alfonso Clemente González
Xerente xeral do Complexo Hospitalario de Ourense