Advertidos erros na citada orde, publicada no DOG nº 31, do 12 de febreiro de 2002, cómpre face-las seguintes correccións:

1. Na páxina 1.620, columna segunda, dentro do ficheiro Rexistro de dereitos mineiros, onde di:

«-Cesións previstas.

Ministerio de Ciencia e Tecnoloxía, organismos oficiais estatísticos».

Debe dicir:

«-Cesións previstas.

Ningunha».

2. Na páxina 1.621, columna primeira, dentro do ficheiro Rexistro de directores facultativos de actividades mineiras, onde di:

«-Finalidade.

Rexistro dos profesionais que realizan funcións de dirección facultativa en actividades mineiras. Seguimento das súas actuacións ó abeiro do Real decreto 863/1985, do 2 de abril, polo que se aproba o Regulamento xeral de normas básicas de seguridade mineira, dereitos mineiros da Comunidade Autónoma. Establece preferencias para o aproveitamento dos recursos minerais»,

Debe dicir:

«-Finalidade.

Rexistro dos profesionais que realizan funcións de dirección facultativa en actividades mineiras. Seguimento das súas actuacións ó abeiro do Real decreto 863/1985, do 2 de abril, polo que se aproba o Regulamento xeral de normas básicas de seguridade mineira».