De conformidade co disposto no artigo 59.4º da Lei 30/1992, do 26 de novembro (BOE do 27 de novembro), de réxime xurídico das administracións públicas e do procedemento administrativo común, notifícaselle á empresa relacionada a continuación (que non puido ser notificada no último enderezo coñecido que así mesmo se indica) a resolución do expediente sancionador simplificado nº 32.032/2001, por infracción en materia de defensa do consumidor.

Contra a dita resolución cabe interpoñer recurso de alzada ante o presidente do Instituto Galego de Consumo (plaza de Europa, 10 A, 2º, Área Central, As Fontiñas, 15707 Santiago de Compostela) no prazo dun mes a partir do seguinte día da notificación. Se non fose obxecto de recurso no devandito prazo, a sanción devirá firme e executiva, e poderá facerse efectiva en período voluntario en calquera entidade financeira, na conta 3110001136 da Caixa Galicia (2091), oficina de relación con organismos (0388), Santiago de Compostela; noutro caso procederase sen máis trámite á súa exacción en vía executiva, nos seguinte prazos:

a) As débedas notificadas entre os días un e quince de cada mes, desde a data de notificación ata o día cinco do mes seguinte ou o inmediatamente hábil e posterior.

b) As débedas notificadas entre os días dezaseis e último de cada mes, desde a data de notificación ata o día vinte do mes seguinte ou o inmediatamente hábil e posterior.

Expediente: 32.032/2001.

Inculpado: Calzados Seoane, S.L.

Enderezo: Plácido Peña, nº 109, Vilalba (Lugo).

Sanción e motivo: 300,51 euros; irregularidades en materia de consumo.

Data da resolución: 26-2-2002.

Ourense, 25 de marzo de 2002.

Antonio Aguarón Turrientes

Xefe do Servicio Provincial de Ourense