A Consellería de Pesca e Asuntos Marítimos recibiu da Sala do Contencioso-Administrativo do Tribunal Superior de Xustiza de Galicia providencia pola que se reclama o expediente relativo ó recurso contencioso-administrativo 02/0004234/2002, interposto por Mª Teresa Ventoso Cañas contra a desestimación presunta da solicitude do 16-11-2001 na que se pedía o inicio do procedemento administrativo para a inclusión da batea Barroso V no distrito marítimo de Cambados e revogación da orde de retirada forzosa.
En consecuencia, esta consellería acordou nesta data e de conformidade co disposto no artigo 49 da Lei 29/1998, do 13 de xullo, reguladora da xurisdicción contencioso-administrativa, a remisión do correspondente expediente administrativo ó referido órgano xudicial.
Así mesmo, de conformidade co disposto na citada Lei 29/1998, notifícaselles ós interesados no procedemento e son emprazados para que poidan comparecer como parte no prazo de nove días.
Santiago de Compostela, 26 de marzo de 2002.
Enrique César López Veiga
Conselleiro de Pesca e Asuntos Marítimos