Na Sala do Contencioso-Administrativo do Tribunal Superior de Xustiza de Galicia tramítase o recurso número 1/323/2002 interposto por Salvador Pita Fernández contra a Orde do 20 de decembro de 2001 (DOG nº 251, do 31 de decembro), da Consellería de Sanidade, pola que se ordena a publicación do concerto entre a Universidade da Coruña e o Servicio Galego de Saúde.

O que se notifica para xeral coñecemento de tódalas persoas interesadas no procedemento, que son emprazadas para que poidan comparecer na sala como demandados no prazo de nove días, de conformidade co previsto no artigo 49 da Lei 29/1998, do 13 de xullo, reguladora da xurisdicción contencioso-administrativa.

Santiago de Compostela, 15 de abril de 2002.

Valeriano Martínez García

Director xeral da División de Recursos Humanos