Con data do 28 de decembro de 2001, o representante da entidade mercantil Cysugal, S.A. presentou nesta Administración municipal un escrito no que se solicita a tramitación e aprobación do proxecto de compensación da U.E. C-SU-UA6 Galindra, de propietario único. Achegou para o efecto

o correspondente proxecto, redactado polos arquitectos Emilio Estévez Fernández e José Antonio González González, visado polo COAG o 19 de decembro de 2001.

De conformidade co disposto nos artigos 133.8º e 102.4º da Lei 1/1997, do 24 de marzo, do solo de Galicia (LSG), procede somete-lo expediente ó trámite de información pública polo prazo de vinte días hábiles, mediante publicación de anuncio no Diario Oficial de Galicia, e notificación individualizada ós directamente interesados, na forma prevista nos artigos 58 e 59 da Lei 30/1992, do 26 de novembro, de réxime xurídico das administracións públicas e do procedemento administrativo común, para que se presenten cantas alegacións ou documentos se consideren convenientes.

O expediente atópase á disposición do público en xeral na oficina de Información da Xerencia Municipal de Urbanismo (planta baixa do edificio da Xerencia).

Vigo, 12 de abril de 2002.

Lois Pérez Castrillo

Alcalde-presidente da Xerencia Municipal

de Urbanismo