Aprobados os pregos de cláusulas administrativas particulares para a contratación das obras do proxecto de pavimentación rúa Vidrieiro, expóñense ó público polo prazo de oito días hábiles para os efectos previstos polo artigo 122 do R.D.L. 781/1986, do 18 de abril.

De conformidade co establecido no artigo 122.2º do R.D.L. 781/1986, do 18 de abril, anúnciase simultaneamente co prego de condicións a licitación, aínda que esta se aprazará no suposto de se produciren reclamacións contra os pregos, ata a súa resolución.

1. Entidade adxudicadora: Concello de Becerreá.

2. Obxecto do contrato.

a) Proxecto de: pavimentación rúa Vidrieiro.

b) Lugar de execución: Becerreá.

c) Prazo de execución: 4 meses.

3. a) Tramitación: urxente.

b) Procedemento: aberto.

c) Forma: concurso.

4. Orzamento base de licitación: 71.288 A.

5. Garantía definitiva: 4% do importe da adxudicación.

6. Obtención de documentación e información:

Concello de Becerreá. Avda. Madrid número 2, 27640 Becerreá (Lugo).

Teléfono 982 36 00 04.

7. Requisitos específicos do contratista.

a) Clasificación: non se esixe.

b) Solvencia económico-financeira e técnica: acreditarase de conformidade co establecido na cláusula 7.1 e 7.2 do prego.

8. Presentación de ofertas.

a) Data límite de presentación: décimo terceiro día natural seguinte ó da publicación deste anuncio no BOP de Lugo e no DOG, tomando como día para o inicio do prazo o seguinte ó da última publicación.

b) Documentación que hai que presentar:

As proposicións presentaranse en dous sobres cerrados.

Sobre A, subtitulado Oferta económica, que deberá formularse conforme o modelo que figura como anexo II do prego.

Sobre B, subtitulado Personalidade xurídica, conterá a documentación sinalada na cláusula 11.2) do prego de condicións.

c) Lugar de presentación: Concello de Becerreá. Avda. Madrid número 2.

d) O prazo en que o licitador estará obrigado a mante-la oferta: un mes desde que remate o prazo de presentación.

e) Admisión de variantes: admítese a formulación de variantes en relación co proxecto aprobado, tanto cualitativas coma cuantitativas. Estas melloras deberán ofertarse segundo se establece na cláusula 11.1.d) do prego.

9. Apertura de plicas: no salón de sesións da Casa do Concello de Becerreá, ás doce horas do terceiro día hábil seguinte ó de remate do prazo de presentación de proposicións.

10. Gastos de anuncios: serán por conta do adxudicatario tódolos gastos que por este motivo se devenguen.

Becerreá, 15 de abril de 2002.

Antonio Fernández Pombo

Alcalde-presidente