En aplicación do disposto na disposición trixésimo quinta do epígrafe VIII da Orde do 5 de novembro de 2001 (DOG do 20 de novembro), esta dirección xeral resolve facer pública a adxudicación provisional dos destinos obtidos no concurso de traslados convocado pola orde que se cita, segundo os anexos da presente resolución. Publícanse igualmente, os anexos nos que constan incremento e eliminación de vacantes.

Contra a presente resolución cabe reclamación, no prazo de dez días naturais, contados a partir do seguinte ó da súa publicación no Diario Oficial de Galicia. Poderase, no mesmo prazo, presentar desestimento á participación no concurso, sempre e cando se participe con carácter voluntario, advertindo ós concursantes que o fan desde a situación de suprimidos que, de desistir, no suposto de que na súa localidade ou zona se adxudique vacante das especialidades que teñan acreditadas, decaerán no dereito preferente que teñen recoñecido.

Os que simultaneamente participan no concurso específico de orientación poderán igualmente presentar renuncia a un dos concursos, á súa opción, nos prazos sinalados no anterior parágrafo e na Resolución do 1 de abril de 2002 (DOG do 9 de abril).

Transcorrido o prazo, esta dirección xeral elevará a definitiva a adxudicación de destinos.

Santiago de Compostela, 16 de abril de 2002.

Severino Somoza Gómez

Director xeral de Persoal

ANEXO II

Incremento de vacantes

ANEXO III

Retirada de vacantes